ՄԻՇԵԼ ՄՈՆՏԵՆԻ ԷՍՍԵՆԵՐԸ`ՔՆՆԱՐԿՄԱՆ ԱՌԱՐԿԱ

Այսօր Գավառի պետական համալսարանի բանասիրական ֆակուլտետի հայոց լեզվի և գրականության ամբիոնի դասախոս, բանասիրական գիտությունների դոկտոր, պրոֆեսոր Արա Առաքելյանի և փոխդեկան Ռուզաննա Սարգսյանի նախաձեռնությամբ կազմակերպվել էր գրքի քննարկում։

Քննարկման առարկան  ֆրանսիացի գրող, քաղաքական գործիչ, փիլիսոփա և էսսեիզմի հիմնադիր Միշել դը Մոնտենի «Էսսեներ» գիրքն էր։

Քննարկմանը մասնակցում էին հայոց լեզվի և գրականության ու անգլերեն լեզվի և գրականության բաժինների բակալավրիատի 2-րդ կուրսի ուսանողները։

Բացման խոսքով հանդես եկավ պարոն Արա Առաքելյանը, ով ներկայացրեց  գրողին և նրա ստեղծագործության ընդհանուր բնութագիրը։

Ուսանողների նպատակն էր ներկայացնել Միշել Մոնտենի՝ այսօր էլ խիստ արդիական համարվող փիլիսոփայական խորհրդածությունները՝ արտահայտված նրա «Փորձերը» էսսեների ձևով։

Միջոցառման ընթացքում ներկայացվեցին հատվածներ Միշել Մոնտենի էսսեներից, որից հետո ծավալվեց քննարկում և կարծիքների փոխանակում  կյանքի ու մահվան բարու և չարի ընկալման, օրենքների, կեղծիքի ու ճշմարիտի, օգտակարի ու ազնիվի և այլ կարևոր կենսափիլիսոփայական հարցերի շուրջ։