ՀԱՄԱՑԱՆՑԻՑ ՕԳՏՎԵԼՈՒ ԱՆՎՏԱՆԳՈՒԹՅԱՆ ԿԱՆՈՆՆԵՐԻ ՊԱՀՊԱՆՈՒՄԸ՝ ՀՐԱՄԱՅԱԿԱՆ ՊԱՀԱՆՋ

Ս․ թ․ նոյեմբերի 28-ին Գավառի պետական համալսարանում տեղի ունեցավ բաց դաս՝ «Անվտանգ համացանց» թեմայով, որը վարում էր ԳՊՀ տեղեկատվական տեխնոլոգիաների բաժնի վարիչ Մարգար Հովհաննիսյանը։

Ներկայացվեցին համացանցի զարգացման պատմությունը, համացանցի ներգործությունը մարդկանց կենսագործունեության վրա, դրական և բացասական կողմերը։

Դասախոսն անդրադարձավ անձնական տվյալների պաշտպանության ձևերին ու միջոցներին, կարևորեց համացանցից օգտվելու անվտագության կանոնները, որոնց իմացությունն ու պահպանումը որակեց որպես անհրաժեշտություն, ժամանակի հրամայական պահանջ։

Բաց դասին ներկա էին Գավառի Ա․ Թամամշևի անվան պետական գյուղատնտեսական քոլեջի ուսանողները, ովքեր հանդիպեցին բուհի ուսումնագիտական գծով պրոռեկտոր Նելլի Կուտուզյանի հետ և ստացան իրենց հետաքրքրող հարցերի պատասխանները:

29.11.2019

Ձեզ կարող է հետաքրքրել