ԲԱՑ ԴԱՍ ԱՇԽԱՏԱՆՔԱՅԻՆ ԻՐԱՎՈՒՆՔՆԵՐԻ ՎԵՐԱԲԵՐՅԱԼ

Գավառի պետական համալսարանը հյուրընկալել էր «Ֆրիդրիխ Էբերտ» հիմնադրամի հայաստանյան գրասենյակի ծրագրերի համակարգող Շուշաննա Սիրականյանին և փաստաբան Արաքսյա Բագդատյանին, ովքեր համալսարանում անկացրին բաց դաս՝ «Ի՞նչ պետք է իմանալ աշխատանքային պայմանագիր կնքելիս» թեմայով։  Մասնակցեցին համալսարանի տարբեր ֆակուլտետներ շուրջ քառասուն ուսանողներ և դասախոսներ։

Դասն անցկացվեց հիմնադրամի «Աշխատանքային իրավունք ուսանողների համար» ծրագրի շրջանակում, որի նպատակն է աշխատաշուկա մուտք գործող ուսանողներին փոխանցել անհրաժեշտ գիտելիք աշխատանքային իրավունքների և դրանց պաշտպանության ուղիների ու միջոցների վերաբերյալ։

Բաց դասի ընթացքում ներկայացվեցին աշխատաշուկայի հիմնախնդիրները, ՀՀ աշխատանքային օրենսդրությամբ սահմանված երաշխիքները, ուսանողների  կամավորական աշխատանքի և փորձաշրջանների ընթացքում առաջացող խնդիրներն ու դրանց լուծումները, աշխատանքային պայմանագրի և ծառայությունների վճարովի մատուցման պայմանագրի կնքման ու լուծման առանձնահատկությունները։

Բաց դասն ավարտվեց ՀՀ աշխատաշուկայի հիմնախնդիրների ինտերակտիվ քննարկումով։

Հրապարակվել է 27.04.2022