Ս․ թ․ հոկտեմբերի 27-ին և 28-ին Երևանի պետական համալսարանում տեղի ունեցավ աշխարհագրության և երկրաբանության ֆակուլտետից Արցախյան 44–օրյա պատերազմում զոհված ուսանողների հիշատակին նվիրված հանրապետական գիտաժողով, որտեղ զեկուցումով հանդես եկավ Գավառի պետական համալսարանի բնագիտական ֆակուլտետի դասախոս Լալա Մկրտչյանը: Զեկուցման թեման էր «Սևանի տարածաշրջանի Վարսեր, Ծովագյուղ, Ծաղկունք և Գեղամավան համայնքների պատմաճարտարապետական հուշարձանները և դրանց պահպանման հիմնախնդիրները աղետների ռիսկի տեսանկյունից»: Զեկուցման թեման արդիական է և հետաքրքիր։ ԳՊՀ դասախոսը ոչ միայն անդրադարձավ վերոնշյալ համայնքներում գտնվող հուշարձաններին, այլև դրանք ներկայացրեց աղետների ռիսկի տեսանկյունից: Գիտաժողովի մասնակիցները կարևորեցին կատարված հետազոտությունը և համաձայնեցին ներկայացված առաջարկությունների հետ:
Գիտական զեկուցումը երաշխավորվեց տպագրության:
