ՆԵՐԿԱՅԱՑՆՈՒՄ ԵՆՔ ԵՎՐՈՊԱԿԱՆ ԲՈՒՀԵՐՈՒՄ ՍՈՎՈՐՈՂ ԳՊՀ ՈՒՍԱՆՈՂՆԵՐԻՆ․ԼԻԼԻԹ ՊՈՂՈՍՅԱՆ

Լիլիթ Պողոսյանը ծնվել է ՀՀ Գեղարքունիքի մարզի Սևան քաղաքում։ Հաճախել է Սևանի Վլադիմիր Կարապետյանի անվան թիվ 3 միջնակարգ դպրոց և ավարտել այն բարձր առաջադիմությամբ։

2017 թվականին ընդունվել է Սևանի Բազմագործառութային պետական քոլեջի ‹‹Բանկային գործ›› բաժին և ավարտել այն 2020 թվականին։ Այնուհետ ուսումնառությունը շարունակել է Գավառի պետական համալսարանի տնտեսագիտական ֆակուլտետի «Տնտեսագիտություն» բաժնում։

Մասնակցել է անձնային և մասնագիտական զարգացմանն ուղղված բազմաթիվ ծրագրերի և ունի կամավորական աշխատանքի փորձ։

Գավառի պետական համալսարանի իրականացրած Եվրոպական Միության «Էրազմուս+» միջազգային կրեդիտային շարժունության ծրագրի շրջանակներում 2022 թվականի սեպտեմբեր ամսից Լիլիթը սովորում է Իսպանիայի Թագավորության Կորդոբայի համալսարանում։

Հաջողություն մաղթենք Լիլիթին և բոլոր ուսանողներին՝ իրենց երազանքների իրականացման ճանապարհին։

Հրապարակվել է 28.12.2022