Գավառի պետական համալսարանի ուսանողները մասնակցեցին Բելառուսի Հանրապետության Մինսկի պետական լեզվաբանական համալսարանի կողմից կազմակերպված արհեստական բանականությանը նվիրված էսսեների մրցույթին։
Մրցույթը բաղկացած էր երկու փուլից՝ ներբուհական և միջազգային։
Գավառի պետական համալսարանի բանասիրական ֆակուլտետի անգլերեն լեզու և գրականություն բաժնի 1-ին կուրսի ուսանողուհի Լիլիթ Սեյրանյանը մրցույթի միջազգային փուլում զբաղեցրեց 3-րդ տեղը։
Մրցույթի միջբուհական ժյուրիին հետաքրքիր էսսեներ ներկայացրին և մասնակցության համար հավաստագրեր ստացան ԳՊՀ բանասիրական ֆակուլտետի հայոց լեզվի և գրականության բաժնի 2-րդ կուրսի ուսանողուհիներ Քրիստինե Բադիկյանն ու Լաուրա Մանուկյանը, հեռակա ուսուցման ֆակուլտետի տարրական մանկավարժության և մեթոդիկայի բաժնի 3-րդ կուրսի ուսանողուհի Արփի Սաֆարյանը։
Միջազգային ժյուրիի անդամների կազմում էին ԳՊՀ բանասիրական ֆակուլտետի օտար լեզվի և գրականության ամբիոնի վարիչ Գայանե Միրիբյանը, արտաքին կապերի և լրատվության բաժնի վարիչ, նույն ամբիոնի դասախոս Լիլիթ Թոռչյանը, ովքեր արժանացան Մինսկի պետական լեզվաբանական համալսարանի շնորհակալագրին։
