‹‹ԳԱՎԱՌԻՑ  ՀՌՈՄ  ՄԵԿ  ՔԱՅԼ  Է››․  ՓԱՍՏՈՒՄ  ԵՆ  ԵՎՐՈՊԱՅՈՒՄ  ՈՒՍՈՒՄՆԱՌԱԾ  ԳՊՀ  ՈՒՍԱՆՈՂՆԵՐԸ

Գավառի պետական համալսարանում ձևավորված ավանդույթի համաձայն` ս․ թ․ մարտի 31-ին տեղի ունեցավ ակադեմիական շարժունության միջազգային ծրագրերով Եվրոպայում սովորած ԳՊՀ ուսանողների հաշվետու-հանդիպումը:

Հանդիպմանը ներկա էին բուհի պրոֆեսորադասախոսական, վարչական անձնակազմի ներկայացուցիչներ, ԳՊՀ ուսանողներ։

Հետաքրքիր հաշվետվություններով հանդես եկան Գավառի պետական համալսարանի բանասիրական ֆակուլտետի «Անգլերեն լեզու և գրականություն» բաժնի մագիստրատուրայի 2-րդ կուրսի ուսանողուհի Մարիամ Խաչատրյանը, հեռակա ուսուցման ֆակուլտետի «Սերվիս» բաժնի 4-րդ կուրսի ուսանողուհի Լալա Դավթյանը, ովքեր սովորել են Իտալիայի Հռոմի Սապիենզա համալսարանում, տնտեսագիտական ֆակուլտետի «Ֆինանսներ» բաժնի բակալավրիատի 2-րդ կուրսի ուսանողուհի Սոնյա Սահակյանը, նույն ֆակուլտետի «Տնտեսագիտություն» բաժնի բակալավրիատի 4-րդ կուրսի ուսանողուհի Էմմա Ջուղեցյանը, ովքեր սովորել են Իսպանիայի Ալմերիա համալսարանում և տնտեսագիտական ֆակուլտետի «Հաշվապահական հաշվառում և հարկում» բաժնի մագիստրատուրայի 2-րդ կուրսի ուսանող Դավիթ Ղարաբաղցյանը, ով սովորել է Պորտուգալիայի Մինհոյի համալսարանում։

Ուսանողները բովանդակալից շնորհանդեսներով ներկայացրին եվրոպական բուհերում իրենց ուսումնառության ընթացքն ու առարկայացանկը,  ակադեմիական առաջադիմության արդյունքները, հյուրընկալ համալսարաններում բարձրագույն մասնագիտական կրթական ծրագրերի իրականացման առանձնահատկությունները, դասավանդման մեթոդները, էլեկտրոնային ուսուցման հնարավորությունները՝ անդրադարձ կատարելով Գավառի պետական համալսարանի և եվրոպայում իրենց ուսանած համալսարանի ուսումնական գործընթացների ընդհանրություններին ու տարբերություններին։

Ուսանողները սիրով պատասխանեցին ներկաների հարցերին և շեշտեցին, որ իրենց մայր բուհի շնորհիվ ոչ միայն նոր գիտելիքներ և հմտություններ ձեռք բերեցին, այլև հնարավորություն ունեցան լինելու եվրոպական մի շարք երկրներում։

Դեռևս բակալավրիատում ուսանելիս՝ ՀՀ լավագույն ուսանող ճանաչված Մարիամ Խաչատրյանը ասաց, որ Գավառից Հռոմ մեկ քայլ է և Հռոմում ուսանած Լալա Դավթյանի հետ իտալերենով կոչ արեց ԳՊՀ ուսանողներին՝ մասնակցել բուհի առաջարկած միջազգային շարժունության ծրագրերին։

Տնտեսագիտական ֆակուլտետի «Հաշվապահական հաշվառում և հարկում» բաժնի մագիստրատուրայի 2-րդ կուրսի ուսանող Դավիթ Ղարաբաղցյանը իր շնորհակալան խոսքում նշեց, որ Գավառի պետական համալսանի ընձեռած հնարավորության շնորհիվ նա երկրորդ անգամ է մասնակցում միջազգային ծրագրերին, և ուրախ է , որ բակալավրիատի 4-րդ կուրսում հնարավորություն է ունեցել ուսումնառության մեկ փուլ անցկացնելու Իսպանիայի Թագավորության Ալմերիայի համալսարանում։

Միջոցառումն ամփոփեց ԳՊՀ ռեկտոր Ռուզաննա Հակոբյանը, ով ուսանողներին կոչ արեց ջանասիրաբար սովորել,  տիրապետել օտար լեզուների և  ակտիվորեն մասնակցել համալսարանի իրականացրած միջազգային ծրագրերին։

ՄԱՅՐ՝  ՍՐԲՈՒԹՅՈՒՆ ԱՄԵՆԱՍՈՒՐԲ

‹‹Մորս սրտի հետ աշխարհն եմ չափել՝

Էլի մեծ էր նա, մեծ էր ու անգին,

Արև աչքերի լույսն է նա թափել՝

Լուսնյակ դառնալով՝ որդոց օրոցքին

Եվ հիմա քիչ է, թե աչքերս տամ,

Թե սիրտս հանեմ ու տամ մայրիկիս,

Ախ, մայր երգելուց  ինչպե՞ս կշտանամ,

Մայրս պատկերն է մայր հայրենիքիս․․․››

Հովհաննես Շիրազ

 ‹‹Մայր›› հասկացությունը տիեզերական կատեգորիա է․․․Մայրերն իրենց խոնարհության, համեստության, համբերության, տոկունության, անսահման սիրո ու նվիրումի շնորհիվ  համեմատվել են Աստվածամոր հետ, որովհետև մոր սիրուց ավելի անշահախնդիր սեր չկա աշխարհում:

Եվ պատահական չէ, որ մեզ համար թանկ սրբությունները կոչվել են՝ Մայր հայրենիք, Մայր եկեղեցի, Մայրենի լեզու:

Պատահական չէ նաև, որ գարնանն է նշվում մայրության տոնը, քանզի մոր սերը գարնան պես ջերմ է ու հորդաբուխ:

Ս.  թ. մարտի 31-ին Գավառի պետական համալսարանի բնագիտական ֆակուլտետում տեղի ունեցավ Մայրության և գեղեցկության տոնին նվիրված գեղարվեստական ցերեկույթ` «Մայր, սրբություն ամենասուրբ» խորագրով։

Ցերեկույթին ներկա էին բուհի պրոֆեսորադասախոսական, վարչական անձնակազմի ներկայացուցիչներ, ԳՊՀ ուսանողներ։

Ուսանողները տոնի կապակցությամբ շնորհավորական խոսքեր հղեցին և անդրադարձան կնոջ էության բացահայտմանը, ներկայացրին, թե տարբեր երկրներում ինչպես է նշվում մայրության օրը։

Հնչեցին մայրական սիրուն նվիրված բանաստեղծություններ, գնահատանքի ջերմագին խոսքեր։

Մարդկային բոլոր զգացմունքներից ամենաուժեղը մոր սերն է իր զավակի հանդեպ:

Ամենուրեք և բոլոր իրավիճակներում պետք է սիրել, գնահատել և խոնարհվել մայրերի առաջ։

Ցերեկույթն ամփոփեցին ԳՊՀ ռեկտոր Ռուզաննա Հակոբյանը, բնագիտական ֆակուլտետի դեկան Մարտին Ավագյանը, բանասիրական ֆակուլտետի դեկան Թաթուլ Ասոյանը, հումանիտար մասնագիտությունների ֆակուլտետի դեկան Համլետ Ղաջոյանը։

ՀՐԱՎԻՐՈՒՄ ԵՆՔ ԼԱՎԱԳՈՒՅՆ ՈՒՍԱՆՈՂՆԵՐԻ ՀԵՏ ՀԱՆԴԻՊՄԱՆ

Գավառի պետական համալսարանի սիրելի՛ ուսանողներ, ս․ թ․ ապրիլի 7-ին, ժամը՝ 13։00-ին հրավիրում ենք ձեզ մասնակցելու 2021 թվականի «Լավագույն ուսանող» հանրապետական մրցույթում Գավառի պետական համալսարանից հաղթող ճանաչված լավագույն ուսանողների հետ հանդիպմանը և ծանոթանալու նրանց հաջողության պատմություններին։

Հանդիպումը տեղի կունենա ԳՊՀ կենտրոնական մասնաշենքում՝ Հրաչյա Աճառյանի անվան լսարանում։

Տեղեկացնում ենք, որ մրցույթում հաղթող են ճանաչվել ԳՊՀ բանասիրական ֆակուլտետի «Անգլերեն լեզու և գրականություն» բաժնի 4-րդ կուրսի ուսանողուհի Մանե Դեղոյանը՝ բակալավրի կրթական ծրագրով 1-ին տեղ,

հումանիտար մասնագիտությունների ֆակուլտետի «Պատմություն» բաժնի մագիստրատուրայի 2-րդ կուրսի ուսանող Վահե Գոզեյանը՝ մագիստրոսի կրթական ծրագրով 2-րդ տեղ,

բնագիտական ֆակուլտետի «Համակարգչային ճարտարագիտություն» բաժնի մագիստրատուրայի 2-րդ կուրսի ուսանող Կարեն Մաստոյանը՝ մագիստրոսի կրթական ծրագրով 1-ին տեղ։

Սիրով հրավիրում ենք հետաքրքիր և ուսուցողական հանդիպմանը։

‹‹ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆ›› ՀԻՄՆԱԴՐԱՄԻ ԿԱՌԱՎԱՐԻՉ-ՌԵԿՏՈՐԻ ԹԱՓՈՒՐ ՊԱՇՏՈՆԻ ՀԱՄԱԼՐՄԱՆ ԲԱՑ ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ

Հիմք ընդունելով ‹‹Հիմնադրամների մասին›› ՀՀ օրենքի 25-րդ հոդվածի առաջին մասի 6-րդ կետը, 27-րդ հոդվածի 2-րդ մասի երրորդ պարբերությունը  և ղեկավարվելով ‹‹Գավառի պետական համալսարան›› հիմնադրամի (ԳՊՀ) կանոնադրության 40-րդ կետի 2-րդ ենթակետով և  56-րդ կետով, ԳՊՀ հոգաբարձուների խորհրդի աշխատակարգի 2.4-րդ կետի 2-րդ ենթակետով, Գավառի պետական համալսարանի ռեկտորի ընտրության կանոնակարգի 2․1-րդ կետով՝  «Գավառի պետական համալսարան» հիմնադրամի հոգաբարձուների խորհուրդը հայտարարում է հիմնադրամի կառավարիչ ռեկտորի (այսուհետ՝ ռեկտոր) թափուր պաշտոնի համար բաց մրցույթ:

ԳՊՀ ռեկտոր կարող է ընտրվել Հայաստանի  Հանրապետության այն գործունակ չափահաս քաղաքացին, որն ունի գիտական աստիճան և առնվազն հինգ տարվա ակադեմիական և գիտական գործունեության ստաժ:

Ռեկտորի թափուր պաշտոնի մրցույթին մասնակցելու համար անհրաժեշտ է ներկայացնել հետևյալ փաստաթղթերը`

ա) անձնագրի կամ նույնականացման քարտի պատճենը,

բ)դիմում՝ ինքնաառաջադրման դեպքում, իսկ ԳՊՀ կառուցվածքային ստորաբաժանումների կողմից առաջադրվելու դեպքում՝ ստորաբաժանման համապատասխան որոշումը և հավակնորդի գրավոր համաձայնությունը,

գ) լուսանկար,

դ) ակադեմիական և գիտական գործունեության առնվազն 5 տարվա ստաժը հավաստող փաստաթուղթ (տեղեկանք աշխատանքի վայրից կամ քաղվածք աշխատանքային գրքույկից),

ե) ինքնակենսագրություն,

զ) բարձրագույն կրթության դիպլոմի պատճեն, գիտական աստիճանը և գիտական կոչումը հավաստող վկայականների պատճեններ,

է) կադրերի հաշվառման անձնական թերթիկ,

ը) տեղեկանք մշտական բնակության վայրից,

թ) հրատարակված գիտական աշխատանքների ցուցակ,

ժ) բնութագիր վերջին աշխատավայրից (եթե այն գործում է),

ժա) հավակնորդի գործունեության ծրագիրը՝ «ԳՊՀ զարգացման հայեցակարգը», փակ և կնքված փաթեթով, որը բացվում է հայտերի ընդունման վերջնաժամկետից հետո:

Վերոնշյալ պարբերության «ե», «թ» և «ժա» ենթակետերով նախատեսված տեղեկատվությունն անհրաժեշտ է ներկայացնել նաև էլեկտրոնային կրիչով՝ «Microsoft Office Word» ծրագրին համապատասխանող ձևաչափով:

Մրցույթին մասնակցելու համար դիմումները (փաստաթղթերը՝ բնօրինակներով) ներկայացնել Գավառի պետական համալսարան (հասցե՝ ՀՀ, Գեղարքունիքի մարզ, ք․ Գավառ, 1201, Հ․ Հակոբյան 1, ԳՊՀ կենտրոնական մասնաշենք, 2-րդ հարկ, սենյակ 221),  2022 թվականի մարտի 30-ից մինչև ապրիլի 27-ը (բացի հանգստյան օրերից)՝ ժամը 9:00-ից մինչև 16:00-ն:

Պահանջվող փաստաթղթերի փաթեթը (համարակալված և յուրաքանչյուր էջի դարձերեսին ստորագրված) հանձնվում է խորհրդի քարտուղարին՝ առձեռն կամ ուղարկվում փոստով:

Մրցույթը տեղի կունենա  2022 թվականի մայիսի 4-ին, ժամը 12:00-ին, Գավառի պետական համալսարանում՝ գիտական խորհրդի նիստերի դահլիճում  (հասցե՝ Հայաստանի Հանրապետություն, Գեղարքունիքի մարզ, ք․ Գավառ, 1201, Հ․ Հակոբյան 1, ԳՊՀ կենտրոնական մասնաշենք)։

Լրացուցիչ տեղեկությունների հա­մար դիմել ԳՊՀ հոգաբարձուների խորհրդի քարտուղար Հասմիկ Մարգարյանին (հեռախոս՝ +374-060-46-12-47, էլեկտրոնային  փոստի հասցեներ՝ h.margaryan@gsu.aminfogsu@mail.ru):

 

«ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ

ՀՈԳԱԲԱՐՁՈՒՆԵՐԻ ԽՈՐՀՈՒՐԴ

ՀՐԱՎԻՐՈՒՄ  ԵՆՔ  ՎԵՐԱՊԱՏՐԱՍՏՄԱՆ  ԴԱՍԸՆԹԱՑԻ՝   ՆՎԻՐՎԱԾ  ՏՎՅԱԼԱԳԻՏՈՒԹՅԱՆԸ  ԵՎ  ԽՈՐԱՑՎԱԾ ՈՒՍՈՒՑՄԱՆԸ  /DEEP LEARNING/

Տվյալների և տվյալահեն լուծումների օգտագործումն այսօր նոր հնարավորություններ է ընձեռել՝ զարգացնելու տնտեսության բոլոր ոլորտները, թույլ տալով բարձրացնել աշխատանքի արտադրողականությունը և արդյունավետությունը: Արտադրության և այլ բնագավառներում նորարարական լուծումների ներդրման նախապայման է տեսական և գործնական խոր գիտելիքներով զինված մասնագետների առկայությունը։

Ուսանողներին աշխատանքային գործունեությանը նախապատրաստելու, երիտասարդ մասնագետներին նորարարական մեթոդներով վերապատրաստելու  նպատակով Գավառի պետական համալսարանում իրականացվում է լրացուցիչ կրթական ծրագիր՝ նվիրված տվյալագիտությանը և խորացված ուսուցմանը /Deep Learning/։

Դասընթացն անցկացվելու է հայերեն լեզվով, անվճար հիմունքներով:
Ծրագիրը ներառում է  դասախոսությունների շարք, որը նախատեսված է զարգացնելու մասնակիցների մասնագիտական գիտելիքներն ու կարողությունները, թույլ տալով ոչ ֆորմալ ուսուցման հավելյալ հնարավորություններ ստեղծել  ֆակուլտետի ուսանողների, շրջանավարտների, ուսուցիչների և թեմայով հետաքրքրված մասնագետների համար, մասնակիցներին առաջարկել մասնագիտական զարգացման համար կարևոր արտալսարանային աշխատանքներ, ծանոթացնելով կիրառական մաթեմատիկային վերաբերող թեմաների գործնական հեռանկարներին, ինչպես նաև փորձարկելով վերապատրաստման դասընթաց-սեմինարը՝ որպես համագործակցության և գիտելիքների փոխանցման մոդել պրակտիկ աշխատողների և ուսանողների միջև:

Դասընթացավարները խորը գիտելիքներ և հարուստ փորձ ունեցող մասնագետներ են, որոնց  կենսագրությունը սիրով ներկայացնում ենք և շնորհակալություն հայտնում ԳՊՀ ուսանողների և թեմայով հետաքրքրված անձանց հետ աշխատելու պատրաստակամության համար։

 

Խորացված ուսուցում /Deep Learning/ և տվյալագիտություն
Վերապատրաստողի /դասընթացավարի/

տվյալները

 

Անցկացման օրը, ժամը, վիրտուալ լսարանի  հղումը, մուտքային տվյալները

 

Ժամաքանակը

/6 ակադեմիական ժամ/

 

Համակարգող՝ Ավետիսյան Վարազդատ /Գավառի պետական համալսարանի  Ինֆորմատիկայի և ֆիզիկամաթեմատիկական գիտությունների ամբիոնի վարիչ/

 

Դասընթացավարներ՝

1. Կոզմանյան Արփինե /Capgemini Engineering, տվյալագետ, Իտալիա/

2. Բաբայան Թամարա  /Բենթլիի համալսարան, պրոֆեսոր, ԱՄՆ/

3. Մովսիսյան Չինար /Manot, գործադիր տնօրեն, Հայ-Ռուսական համալսարանի դասախոս/

01.04.2022թ.

ժամը՝ 19:00

https://zoom.us/j/3897702958?pwd=WS9UblF1MjJqSSsrVFlNQjdaUG5CQT09

ID 389 770 2958

                                                              Pass: 1234

2
08.04.2022թ.

ժամը՝ 19:00

https://zoom.us/j/3897702958?pwd=WS9UblF1MjJqSSsrVFlNQjdaUG5CQT09

ID 389 770 2958

                                                              Pass: 1234

2
09.04.2022թ.

ժամը՝ 19:00

https://zoom.us/j/3897702958?pwd=WS9UblF1MjJqSSsrVFlNQjdaUG5CQT09

ID 389 770 2958

                                                                     Pass: 1234

2

 

 Արփինե Կոզմանյան

Արփինե Կոզմանյանը ավագ տվյալագետ է Քափջեմինի էնջինիիրինգ խորհրդատվական ընկերության վերլուծական գերազանցության կենտրոնում (Capgemini Engineering world-class center of analytics)։ Զբաղվում է վերլուծական և մեքենայական ուսուցման ալգորիթմների մշակմամբ արդյունաբերության մի շարք ոլորտներում, ինչպիսին են՝ Էներգետիկ, մեքենաշինական, տելեկոմունիկացիաների և մարքեթինգի ոլորտները։ Ունի նախագծերի մշակման լայն փորձառություն ինչպես տեխնիկական գործարկման, այնպես էլ բիզնես տեսանկյունից դրանց սահմանման և գնահատման առումով։

Ունի դոկտորի կոչում աստղաֆիզիկայի ոլորտում Հռոմի Թոր Վերգատա (University of Rome “Tor Vergata”) համալսարանից։ Մինչ այդ ուսանել է Օքսֆորդի և Իննսբրուկի համալսարաններում` ստանալով մագիստրոսական կոչում համապատասխանաբար ֆիզիկայի և աստղաֆիզիկայի ոլորտներում։

Թամարա Բաբայան

Թամարա Բաբայանը ԱՄՆ-ի Բենթլեյ համալսարանի (Bentley University) Համակարգչային Տեղեկատվական Համակարգերի պրոֆեսոր է: Լինելով ԵՊՀ ԻԿՄ ֆակուլտետի շրջանավարտ՝  նա ստացել է Թաֆթս համալսարանում (Tufts University) համակարգչային գիտությունների դոկտորի կոչում և հետդոկտորական հետազոտական աշխատանք վարել Հարվարդի համալսարանում: Նա ունի բիզնես բուհերում համակարգչային գիտության ոլորտում հետազոտական և դասավանդման աշխատանքի ավելի քան քսան տարվա փորձ։ Թամարայի հետազոտական  աշխատանքը ներառում է Խելացի և Համագործակցային Ծրագրերի, ինչպես նաև Մարդ-Համակարգիչ փոխազդեցությունների թեմաները: Նրա աշխատանքը հրապարակվել է տեղեկատվական համակարգերի և արհեստական ​​բանականության ոլորտների առաջատար գիտաժողովներում և ամսագրերում: Դոկտոր Բաբայանը «Առաջ Միասին» նախաձեռնության համահիմնադիրն է, որի առաջին համահայկական համագործակցության ֆորումը տեղի է ունեցել Երևանում՝ 2021 թվականի օգոստոսին:

Չինար Մովսիսյան

Չինար Մովսիսյանը սովորել է ԵՊՀ ԻԿՄ ֆակուլտետի բակալավրիատում, այնուհետև, ավարտելով այն գերազանցության դիպլոմով, տեղափոխվել է նույն բաժնի մագիստրատուրա։ Մագիստրատուրայի երկրորդ կուրսում համալսարանական միջազգային համագործակցությամբ ընդունվել է Ֆրանսիայի Գրենոբլի համալսարանի «Համակարգչային գիտություններ և պաշտպանություն» մագիստրատուրայի ծրագիրը՝ որպես երկու աստիճանի ուսանող։ Այժմ սովորում է Հայ-սլավոնական համալսարանի ասպիրանտուրայում, որպես Արհեստական բանականության հետազոտող Մոսկվայի Իվանիկովի անվան լաբորատորիայում։ Ուսումնառության տարիներին մշտապես արժանացել է լոկալ, ինչպես նաև միջազգային մի շարք մրցույթների անվանական կրթաթոշակների և մեդալների։

Ուսմանը զուգահեռ նա աշխատել է լոկալ և միջազգային մի շարք կազմակերպություններում և՛ որպես ծրագրավորող, և՛ որպես թիմի ղեկավար՝ Արհեստական բանականության հետազոտող, Մեքենայական ուսուցման ինժեներ, Պաշտպանության հետազոտող և այլն։ Ս. թ. հունվարին հիմնել է սեփական ՏՏ կազմակերպություն, որը զբաղվում է դրոնից ստացված տվյալների նախամշակման ավտոմատացմամբ և ճշգրտության բարձրացմամբ։ Դասախոսում է Հայ-ռուսական համալսարանում։

 

 

 

ՀՐԱՎԻՐՈՒՄ ԵՆՔ ՄԱՍՆԱԿՑԵԼՈՒ ԵՎՐՈՊԱԿԱՆ ԲՈՒՀԵՐՈՒՄ ՈՒՍՈՒՄՆԱՌԱԾ ԳՊՀ ՈՒՍԱՆՈՂՆԵՐԻ ՀԱՇՎԵՏՎՈՒԹՅՈՒՆ-ՇՆՈՐՀԱՆԴԵՍԻՆ

Գավառի պետական համալսարանի սիրելի՛ ուսանողներ, հարգելի՛ դասախոսներ, հրավիրում ենք ձեզ մասնակցելու եվրոպական բուհերում ուսումնառած ԳՊՀ ուսանողների հաշվետվություն-շնորհանդեսին, որը կկայանա ս․ թ․ մարտի 31-ին, ժամը՝ 13։00-ին համալսարանի Հրաչյա Աճառյանի անվան լսարանում։

Հաշվետվություններով հանդես են գալու Գավառի պետական համալսարանի տնտեսագիտական ֆակուլտետի Ֆինանսներ բաժնի 2-րդ կուրսի ուսանողուհի Սոնյա Սահակյանը, Տնտեսագիտություն բաժնի 4-րդ կուրսի ուսանողուհի Էմմա Ջուղեցյանը, ովքեր սովորել են Իսպանիայի Ալմերիա համալսարանում, նույն ֆակուլտետի Հաշվապահական հաշվառում և հարկում բաժնի մագիստրատուրայի 2-րդ կուրսի ուսանող Դավիթ Ղարաբաղցյանը, ով սովորել է Պորտուգալիայի Մինհոյի համալսարանում, հեռակա ուսուցման ֆակուլտետի Սերվիս բաժնի 4-րդ կուրսի ուսանողուհի Լալա Դավթյանը և բանասիրական ֆակուլտետի Անգլերեն լեզու և գրականություն բաժնի մագիստրատուրայի 2-րդ կուրսի ուսանողուհի Մարիամ Խաչատրյանը, ովքեր սովորել են Իտալիայի Հռոմի Սապիենզա համալսարանում։

ՄԻՋՈՑԱՌՈՒՄ ԳՊՀ-ՈՒՄ՝ ՆՎԻՐՎԱԾ «ԽԵԼԱՑԻ ԻՐԵՐԻՆ» ԵՎ «ԻՐԵՐԻ ՀԱՄԱՑԱՆՑԻՆ»

Գավառի պետական համալսարանի բնագիտական ֆակուլտետի Ինֆորմատիկայի և ֆիզիկամաթեմատիկական գիտությունների ամբիոնի ակադեմիական խորհրդատու Հերմինե Սաֆարյանի նախաձեռնությամբ կայացավ միջոցառում, որին մասնակցում էին բնագիական ֆակուլտետի համակարգչային ճարտարագիտության բաժնի ուսանողները։

Միջոցառման նպատակն էր կարևորել նորագույն տեխնոլոգիանների դերը մարդու կյանքում։

ԳՊՀ ուսանողները ներկայացրին իրենց ընտրած մասնագիտության առավելություններն ու հնարավորությունները։ Մասնավորապես խոսեցին «Իրերի համացանցի» /IOT/ մասին։ Ուսանողները նշեցին, որ իրերի համացանցը ֆիզիկական սարքերի, տրանսպորտային միջոցների, կենցաղային տեխնիկայի, էլեկտրոնիկայի և այլ իրերի ցանց է, որոնք կապված են ծրագրային ապահովումների, սենսորների հետ, ինչն էլ հնարավորություն է տալիս այդ օբյեկտներին կապվել միմյանց հետ և փոխանակել տվյալներ։

Մասնակիցները փաստեցին, որ արդի պայմաններում հնարավոր չէ պատկերացնել կյանքը առանց տեղեկատվական տեխնոլոգիաների։

Ներկայացրին հետաքրքիր փաստեր ‹‹խելացի իրերի›› ու ‹‹խելացի քաղաքների›› մասին։ Միջոցառումն ամփոփեցին ԳՊՀ ռեկտոր Ռուզաննա Հակոբյանը, բնագիտական ֆակուլտետի դեկան Մարտին Ավագյանը, փոխդեկան՝ Սիրանուշ Խանդանյանը, ինֆորմատիկայի և ֆիզիկամաթեմատիկական գիտությունների ամբիոնի վարիչ Վարազդատ Ավետիսյանը։

ԿՐԹՈՒԹՅԱՆ ՀՈԳԵԲԱՆԱԿԱՆ ՀԻՄՔԵՐԻՆ ՆՎԻՐՎԱԾ ՎԵՐԱՊԱՏՐԱՍՏՈՒՄԸ` ԸՆԹԱՑՔԻ ՄԵՋ

Սիրով տեղեկացնում ենք, որ Գավառի պետական համալսարանում ընթանում է ուսուցման և դաստիարակության գործընթացի արդյունավետության հոգեբանական հիմքերին նվիրված անվճար, առցանց վերապատրաստման դասընթացը։

Ս․ թ․ մարտի 30-ին, ժամը՝ 14։30-ին կկայանա հերթական դասը` «Հուզական ինտելեկտ» թեմայով։

Դասընթացին կարող եք միանալ հետևյալ հղումով․

https://zoom.us/j/3897702958?pwd=WS9UblF1MjJqSSsrVFlNQjdaUG5CQT09#success

ԱՇԽԱՏԱՆՔԻՆ ԵՎ ԱՐԴԻ ՄԱՍՆԱԳԻՏՈՒԹՅՈՒՆՆԵՐԻՆ ՆՎԻՐՎԱԾ ԲԱՑ-ԴԱՍ՝ ԳՊՀ ԲԱՆԱՍԻՐԱԿԱՆ ՖԱԿՈՒԼՏԵՏՈՒՄ

Գավառի պետական համալսարանի օտար լեզվի և գրականության ամբիոնի դասախոս Սաթենիկ Հայթյանի նախաձեռնությամբ կայացավ բաց դաս, որին մասնակցում էին բանասիրական ֆակուլտետի անգլերեն լեզվի և գրականության բաժնի ուսանողները։ Բաց դասի նպատակն էր կարևորել աշխատանքը և մասնագիտությանը տիրապետելը, ամրապնդել հարգանքն աշխատանքի և տարբեր մասնագիտությունների հանդեպ։

Դասը մեկնարկեց մտագրոհով բոլոր մասնակիցները պատասխանեցին այն հարցին, թե ինչն են կարևորում աշխատանքում։

Այնուհետ հնչած պատասխանները համեմատեցին այլ երկրների երիտասարդների կողմից նույն հարցին տրված պատասխանների հետ։

ԳՊՀ ուսանողները ներկայացրին իրենց ընտրած մասնագիտության առավելությունները։ Անդրադարձ կատարվեց նաև Հայաստանում և Գերմանիայում պահանջված մասնագիտություններին, հասարակության և պետության համար դրանց կարևորությանն ու  բնորոշ առանձնահատկություններին։

Ուսանողները փաստեցին, որ աշխատանքին և արդի մասնագիտություններին նվիրված բաց դասն ուսանելի էր ու հետաքրքիր։

‹‹ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆ›› ՀԻՄՆԱԴՐԱՄԻ ԿԱՌԱՎԱՐԻՉ-ՌԵԿՏՈՐԻ ԹԱՓՈՒՐ ՊԱՇՏՈՆԻ ՀԱՄԱԼՐՄԱՆ ԲԱՑ ՄՐՑՈՒՅԹԻ ՀԱՅՏԱՐԱՐՈՒԹՅՈՒՆ

Հիմք ընդունելով ‹‹Հիմնադրամների մասին›› ՀՀ օրենքի 25-րդ հոդվածի առաջին մասի 6-րդ կետը, 27-րդ հոդվածի 2-րդ մասի երրորդ պարբերությունը  և ղեկավարվելով ‹‹Գավառի պետական համալսարան›› հիմնադրամի (ԳՊՀ) կանոնադրության 40-րդ կետի 2-րդ ենթակետով և  56-րդ կետով, ԳՊՀ հոգաբարձուների խորհրդի աշխատակարգի 2.4-րդ կետի 2-րդ ենթակետով, Գավառի պետական համալսարանի ռեկտորի ընտրության կանոնակարգի 2․1-րդ կետով՝  «Գավառի պետական համալսարան» հիմնադրամի հոգաբարձուների խորհուրդը հայտարարում է հիմնադրամի կառավարիչ ռեկտորի (այսուհետ՝ ռեկտոր) թափուր պաշտոնի համար բաց մրցույթ:

ԳՊՀ ռեկտոր կարող է ընտրվել Հայաստանի  Հանրապետության այն գործունակ չափահաս քաղաքացին, որն ունի գիտական աստիճան և առնվազն հինգ տարվա ակադեմիական և գիտական գործունեության ստաժ:

Ռեկտորի թափուր պաշտոնի մրցույթին մասնակցելու համար անհրաժեշտ է ներկայացնել հետևյալ փաստաթղթերը`

ա) անձնագրի կամ նույնականացման քարտի պատճենը,

բ)դիմում՝ ինքնաառաջադրման դեպքում, իսկ ԳՊՀ կառուցվածքային ստորաբաժանումների կողմից առաջադրվելու դեպքում՝ ստորաբաժանման համապատասխան որոշումը և հավակնորդի գրավոր համաձայնությունը,

գ) լուսանկար,

դ) ակադեմիական և գիտական գործունեության առնվազն 5 տարվա ստաժը հավաստող փաստաթուղթ (տեղեկանք աշխատանքի վայրից կամ քաղվածք աշխատանքային գրքույկից),

ե) ինքնակենսագրություն,

զ) բարձրագույն կրթության դիպլոմի պատճեն, գիտական աստիճանը և գիտական կոչումը հավաստող վկայականների պատճեններ,

է) կադրերի հաշվառման անձնական թերթիկ,

ը) տեղեկանք մշտական բնակության վայրից,

թ) հրատարակված գիտական աշխատանքների ցուցակ,

ժ) բնութագիր վերջին աշխատավայրից (եթե այն գործում է),

ժա) հավակնորդի գործունեության ծրագիրը՝ «ԳՊՀ զարգացման հայեցակարգը», փակ և կնքված փաթեթով, որը բացվում է հայտերի ընդունման վերջնաժամկետից հետո:

Վերոնշյալ պարբերության «ե», «թ» և «ժա» ենթակետերով նախատեսված տեղեկատվությունն անհրաժեշտ է ներկայացնել նաև էլեկտրոնային կրիչով՝ «Microsoft Office Word» ծրագրին համապատասխանող ձևաչափով:

Մրցույթին մասնակցելու համար դիմումները (փաստաթղթերը՝ բնօրինակներով) ներկայացնել Գավառի պետական համալսարան (հասցե՝ ՀՀ, Գեղարքունիքի մարզ, ք․ Գավառ, 1201, Հ․ Հակոբյան 1, ԳՊՀ կենտրոնական մասնաշենք, 2-րդ հարկ, սենյակ 221),  2022 թվականի մարտի 30-ից մինչև ապրիլի 27-ը (բացի հանգստյան օրերից)՝ ժամը 9:00-ից մինչև 16:00-ն:

Պահանջվող փաստաթղթերի փաթեթը (համարակալված և յուրաքանչյուր էջի դարձերեսին ստորագրված) հանձնվում է խորհրդի քարտուղարին՝ առձեռն կամ ուղարկվում փոստով:

Մրցույթը տեղի կունենա  2022 թվականի մայիսի 4-ին, ժամը 12:00-ին, Գավառի պետական համալսարանում՝ գիտական խորհրդի նիստերի դահլիճում  (հասցե՝ Հայաստանի Հանրապետություն, Գեղարքունիքի մարզ, ք․ Գավառ, 1201, Հ․ Հակոբյան 1, ԳՊՀ կենտրոնական մասնաշենք)։

Լրացուցիչ տեղեկությունների հա­մար դիմել ԳՊՀ հոգաբարձուների խորհրդի քարտուղար Հասմիկ Մարգարյանին (հեռախոս՝ +374-060-46-12-47, էլեկտրոնային  փոստի հասցեներ՝ h.margaryan@gsu.am, infogsu@mail.ru):

 

«ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆ» ՀԻՄՆԱԴՐԱՄԻ

ՀՈԳԱԲԱՐՁՈՒՆԵՐԻ ԽՈՐՀՈՒՐԴ