ՈՐԱԿԻ ԱՊԱՀՈՎՄԱՆ ԲԱԺԻՆ
Որակի ապահովման բաժնի գործառույթներն են․
- ԳՊՀ կառուցվածքային ստորաբաժանումներում ՈԱ գործառույթների ու ընթացակարգերի իրականացման անհրաժեշտ աջակցության ապահովում և մշտադիտարկում,
- ՈԱ կանոնակարգային, ընթացակարգային և չափորոշիչ փաստաթղթերի մշակում և ներդրում,
- Դասավանդման որակի և ուսումնական գործընթացի կազմակերպման աշխատանքների արդյունավետության գնահատմանն առնչվող գործիքակազմի և ընթացակարգերի կիրառում,
- ԳՊՀ ուսանողների, դասախոսների կրթական միջավայրից բավարարվածության, ԳՊՀ-ում ստացած կրթությունից ուսանողի, շրջանավարտի, նրանց ծնողների շրջանում բավարարվածության, գործատուների կողմից ԳՊՀ շրջանավարտների մասնագիտական կարողությունների գնահատման գործիքակազմի կիրառում,
- ԳՊՀ ստորաբաժանումների աշխատանքի արդյունավետության գնահատման, ինքնավերլուծության և ինքնագնահատման աշխատանքների կատարելագործում և համակարգում,
- ՈԱ գործընթացների և ընթացակարգերի թափանցիկության, դրանցում ուսանողների, շրջանավարտների, դիմորդների, ծնողների, հիմնական գործատուների և արտաքին փորձագետների ներգրավման և նրանց գործուն մասնակցության ապահովում,
- Մասնագիտական կրթական ծրագրերի ՈԱ ընթացիկ մշտադիտարկման և պարբերական վերանայման գործընթացների իրականացում,
- ՈԱ բաժնի տարեկան աշխատանքային հաշվետվության և գործողությունների ծրագրի ներկայացում ԳՊՀ գիտական խորհրդի քննարկմանն ու հաստատմանը,
- Դասավանդման, ուսումնառության և ուսանողների գնահատման ՈԱ գործիքակազմի և ընթացակարգերի մշակում և իրականացում,
- ԳՊՀ ֆակուլտետների ՈԱ պատասխանատուների հետ համագործակցություն և նրանց աշխատանքներին աջակցում,
- Որակի ապահովման գործընթացներում ուսանողների ներգրավվածության և իրազեկության աստիճանի բարձրացմանը նպաստում,
- Համալսարանի ինստիտուցիոնալ կարողությունների ինքնագնահատման գործընթացի գնահատման, վերլուծության և համապատասխան զեկույցի պատրաստման և հաջորդող բարելավման գործողությունների պլանավորման ու վերահսկման համակարգում,
- Համալսարանի ստորաբաժանումների աշխատանքի համակարգում ինստիտուցիոնալ և ծրագրային հավատարմագրող մարմինների փորձագիտական այցերի ընթացքում
- ԳՊՀ-ում ՈԱ միտված բոլոր գործողությունների համակարգում:
Որակի ապահովման բաժնի վարիչի գործառույթներն են.
- պլանավորում, կազմակերպում և ղեկավարում է ՈԱ բաժնի ընթացիկ գործունեությունը,
- ԳՊՀ գիտական խորհրդում և ռեկտորատում հանդես է գալիս համապատասխան հաշվետվություններով, զեկույցներով, հաղորդումներով,
- ԳՊՀ գիտական խորհրդի հաստատմանն է ներկայացնում ՈԱ բաժնի աշխատանքային ծրագիրը, նախորդ ուստարվա աշխատանքային ծրագրի կատարողականը,
- իր լիազորությունների շրջանակում նախապատրաստում է զեկուցագրեր, տեղեկանքներ, հաշվետվություններ, առաջարկություններ և այլ գրություններ ու փաստաթղթեր,
- իր իրավասության սահմաններում ԳՊՀ կառուցվածքային ստորաբաժանումներից ստանում է որակի ապահովմանը վերաբերող տեղեկատվություն,
- իր իրավասության սահմաններում ԳՊՀ գիտական խորհրդին և ռեկտորատին ներկայացնում է զեկույց, առաջարկություններ ՈԱ բաժնի գործունեությանն առնչվող հարցերի, ԳՊՀ համապատասխան ստորաբաժանումների կողմից որակի ապահովմանը վերաբերող աշխատանքների վերաբերյալ,
- պատասխանատու է ՈԱ բաժնի խնդիրների և գործառույթների պատշաճ իրականացման համար։
ԳՊՀ Որակի ապահովման բաժնի մասնագետի գործառույթներն են․
- մասնակցում է ԳՊՀ որակի ներքին ապահովման գործընթացների ծրագրմանը, իրականացմանը և բարելավմանը,
- համագործակցում է ԳՊՀ ֆակուլտետների որակի ապահովման պատասխանատուների հետ,
- համագործակցում է ներքին շահառուների և արտաքին շահակիցների հետ, ուսումնասիրում նրանց բավարարվածությունը ԳՊՀ կրթական ծրագրերից և շրջանավարտների ուսումնառության արդյունքներից,
- իրականացնում է ԳՊՀ ՈԱ բաժնի մասնագետի աշխատանքի նկարագրով նախատեսված այլ գործառույթներ։
