ԳՊՀ ՈԱ ԲԱԺՆԻ ԳՈՐԾՈՒՆԵՈՒԹՅԱՆ ՆՊԱՏԱԿԸ, ԽՆԴԻՐՆԵՐԸ

---

ԳՊՀ ՈԱ բաժնի նպատակն է նպաստել ԳՊՀ որակի ներքին ապահովման համակարգի շարունակական և արդյունավետ գործունեությանը՝ առաջնորդվելով բարձրագույն մասնագիտական կրթության ՈԱ ազգային ու միջազգային չափանիշներով, չափորոշիչներով և որակի կառավարման շրջափուլով:

ԳՊՀ ՈԱ բաժնի խնդիրներն են.

ա/ ապահովել Համալսարանում որակի ապահովման միասնական քաղաքականության իրականացումը և շարունակական բարելավումը,

բ/ ապահովել մասնագիտական կրթական ծրագրերի (ՄԿԾ), ինչպես նաև Համալսարանի գործունեության բոլոր ոլորտների որակի համակարգված մշտադիտարկումը, բարելավումը՝ հիմնվելով ներքին և արտաքին շահակիցների կարիքների վրա,

գ/ աջակցել ՄԿԾ-ների շարունակական բարելավմանը, արդիականացմանը և դրանց համապատասխանեցմանը աշխատաշուկայի պահանջներին,

դ/ ապահովել որակի ներքին ապահովման գործընթացների թափանցիկությունը, հաշվետվողականությունը և շահակիցների ակտիվ ներգրավվածությունը,

ե/ աջակցել Համալսարանի ռազմավարական ծրագրի իրականացմանը՝ որակի ապահովման համակարգի շրջանակներում վերլուծությունների և առաջարկությունների մշակման միջոցով,

զ/ հետևել ՄԿԾ-ների ներքին փորձաքննության (աուդիտի) և մշտադիտարկման համակարգերի արդյունավետ իրականացմանը,

է/ նպաստել որակի ներքին ապահովման գործընթացների թվայնացմանը և տվյալահեն կառավարման կառուցակարգերի ներդրմանն ու կիրառմանը,

թ/ գնահատել Համալսարանի կրթական, գիտահետազոտական և կառավարման գործընթացներում թվային տեխնոլոգիաների ու արհեստական բանականության գործիքների կիրառման արդյունավետությունը՝ նպաստելով դրանց նպատակային օգտագործմանը և ակադեմիական ազնվության սկզբունքների պահպանմանը,

ժ/ համակարգել Համալսարանի ենթակառուցվածքային /ինստիտուցիոնալ/ և ծրագրային հավատարմագրման գործընթացների կազմակերպումը և իրականացումը։

ԳՊՀ ՈԱ ԲԱԺՆԻ ԳՈՐԾԱՌՈՒՅԹՆԵՐՆ ԵՆ

ԳՊՀ ՈԱ բաժինն իր գործունեությունն իրականացնում է որակի կառավարման Դեմինգի՝ պլանավորում, իրականացում, գնահատում, բարելավում /ՊԻԳԲ/ շրջափուլով՝ իրականացնելով հետևյալ գործառույթները․

Պլանավորում

ա/ պլանավորում, համակարգում և ուղղորդում է կրթության որակի ապահովման ոլորտում իրականացվող ներբուհական գործընթացները, այդ թվում՝ մշակում և կիրառում է ՈԱ քաղաքականությունից բխող փաստաթղթային հիմքերը,

բ/ մշակում և իրականացնում է Համալսարանի գործունեության որակի վրա ազդող մարտահրավերների կանխատեսման և ռիսկերի կառավարման կառուցակարգեր, իրականացնում է դրանց գնահատում և առաջարկում է բարելավման ուղիներ,

Իրականացում

գ/ ապահովում է մեթոդական աջակցություն ԳՊՀ կառուցվածքային ստորաբաժանումներին՝ ՈԱ գործառույթների և ընթացակարգերի իրականացման ու մշտադիտարկման ուղղությամբ,

դ/ պատասխանատու է բոլոր շահակիցների համար կրթության ՈԱ վերաբերյալ ճշգրիտ և հրապարակային տեղեկատվության հասանելիության համար,

ե/ նպաստում է ՈԱ գործընթացներում շահակիցների իրազեկության բարձրացմանը և նրանց ակտիվ ներգրավմանը,

զ/ ապահովում է ՈԱ գործընթացների թվայնացումը, տվյալների հավաքագրման, մշակման և վերլուծության ժամանակակից գործիքների կիրառումը՝ փաստահեն որոշումների կայացման նպատակով,

է/ աջակցում է ԳՊՀ ակադեմիական ազնվության սկզբունքների պահպանմանը՝ համագործակցելով համապատասխան մարմինների հետ,

ը/ պատասխանատու է Համալսարանի ենթակառուցվածքային /ինստիտուցիոնալ/ և ծրագրային հավատարմագրման գործընթացների համակարգման և վերահսկման համար,

Գնահատում

թ/ իրականացնում է ԳՊՀ ներքին և արտաքին շահակիցների (ուսանողներ, դասախոսներ, շրջանավարտներ, գործատուներ) կարիքների գնահատում և վերլուծություն՝ հիմնվելով հարցումների, նպատակային խմբերի քննարկումների և այլ կառուցակարգերով հավաքագրված տվյալների վրա,

ժ/ իրականացնում է ԳՊՀ կառուցվածքային ստորաբաժանումների կողմից ներկայացված բարելավման պլանների, այդ թվում՝ ՄԿԾ-ների ներքին փորձաքննության արդյունքներով մշակված բարելավման պլանների կատարման մշտադիտարկում և գնահատում,

ի/ կազմում և Համալսարանի ռեկտորատին և գիտական խորհրդին է ներկայացնում ԳՊՀ որակի ներքին ապահովման գործընթացների մշտադիտարկման հաշվետվություններ՝  նպաստելով տվյալահեն որոշումների կայացմանը,

լ/ ներգրավվում է ՄԿԾ-ների մշտադիտարկման, գնահատման և բարելավման, ինչպես նաև կրթության որակի բարելավմանն ուղղված այլ գործընթացներում,

խ/ իրականացնում է Համալսարանում կիրառվող թվային և արհեստական բանականության գործիքների արդյունավետության մշտադիտարկում, գնահատում է դրանց ազդեցությունը կրթության որակի վրա և վերահսկում ակադեմիական ազնվության սկզբունքների պահպանումը թվային տիրույթում։

Բարելավում՝

ծ/ ԳՊՀ կառավարման մարմինների հետ քննարկում է ՈԱ խնդիրները,  ներկայացնում բարելավման ուղիներ, աջակցում է Համալսարանի զարգացման ռազմավարության մշակման գործընթացներին, ինչպես նաև մշակում և ներկայացնում է ԳՊՀ ռազմավարական ծրագրից և ՈԱ քաղաքականության հիմունքներից բխող առաջարկություններ, զարգացման միջնաժամկետ և տարեկան գործողությունների ծրագրեր,

կ/ հիմնվելով մշտադիտարկման արդյունքների վրա՝ ներկայացնում է առաջարկություններ թվային միջավայրի զարգացման և արհեստական բանականության գործիքների կիրառման ընթացակարգերի կատարելագործման վերաբերյալ,

հ/ իրականացնում է Համալսարանի գործունեության որակի վրա ազդող վտանգների բացահայտում, գնահատում և վերլուծություն, մշակում է դրանց նվազեցմանն ուղղված միջոցառումները։