ԳՊՀ ՆԵՐԿԱՅԱՑՈՒՑԻՉՆԵՐԸ ՄԱՍՆԱԿՑԵՑԻՆ ՇՊՀ-ՈՒՄ ԿԱՅԱՑԱԾ «ԿՐԹՈՒԹՅԱՆ ԵՎ ԳԻՏՈՒԹՅԱՆ ԱՐԴԻ ՀԻՄՆԱԽՆԴԻՐՆԵՐԸ» ԽՈՐԱԳՐՈՎ ՄԻՋԱԶԳԱՅԻՆ ԳԻՏԱԺՈՂՈՎԻՆ

ՀՀ ԿԳՄՍՆ բարձրագույն կրթության և գիտության կոմիտեի աջակցությամբ Շիրակի պետական համալսարանում կայացավ «Կրթության և գիտության արդի հիմնախնդիրները» խորագրով միջազգային գիտաժողով, որն անցկացվեց առկա և հեռավար ձևաչափերով։
Գիտաժողովին մասնակցեցին Գավառի պետական համալսարանի ներկայացուցիչները, որոնք հանդես եկան զեկուցումներով՝ հետևյալ թեմաներով․
— Հայրապետյան Քանաքարա՝ պատմական գիտությունների թեկնածու, Գավառի պետական համալսարանի հասարակական գիտությունների ամբիոնի դասախոս, բուհի որակի ապահովման բաժնի վարիչ,
— Ասլանյան Արմինե՝ Հումանիտար մասնագիտությունների ֆակուլտետի առկա ուսուցման «Պատմություն» մասնագիտության 4-րդ կուրսի ուսանողուհի, զեկուցման թեման՝ «Պատմական նկարները պատմության դասավանդման ընթացքում»,
— Սարգսյան Ռուզաննա՝ ԳՊՀ հումանիտար մասնագիտությունների ֆակուլտետի դեկանի տեղակալ, հայոց լեզվի և գրականության ամբիոնի դասախոս,
— Մանուկյան Լաուրա՝ ԳՊՀ ուսանողական խորհրդի նախագահ, Հումանիտար մասնագիտությունների ֆակուլտետի առկա ուսուցման «Հայոց լեզու և գրականության» մասնագիտության մագիստրատուրայի 1-ին կուրսի ուսանողուհի, զեկուցման թեմա՝ «Ուսուցման 5E մոդելային համակարգի կիրառումը՝ հայոց լեզու դասավանդելիս»,
— Միրիբյան Նունե՝ ԳՊՀ արտաքին կապերի և լրատվության բաժնի մասնագետ, զեկուցման թեման՝ «Քննադատական մտածողության զարգացումը կրտսեր դպրոցում, մայրենիի դասերին»։
Զեկուցումներն ուղեկցվեցին ակտիվ քննարկումներով՝ նպաստելով մասնագիտական գիտելիքների և փորձի փոխանակմանը։
Գիտաժողովի մասնակիցներին շնորհվեցին հավաստագրեր։