Գավառի պետական համալսարանի «Սերվիս» բաժնի ուսանողները՝ բուհի կենսաբանության, էկոլոգիայի և առողջ ապրելակերպի ամբիոնի դասախոս, աշխարհագրական գիտությունների դոկտոր, պրոֆեսոր Արամայիս Ավագյանի ուղեկցությամբ իրենց ուսումնական պրակտիկան անցկացրին ՀՀ Լոռու մարզում։
Պրոֆեսոր Ավագյանը ճանապարհի ընթացքում ներկայացրեց Գեղարքունիքի և Լոռվա մարզերի տեսարժան վայրերը, խոսեց դրանց առանձնահատկությունների, պատմության և նշանակության մասին։
Ուսանողները շրջեցին Սանահին և Հաղպատ վանական համալիրներում, ուսումնասիրեցին ճարտարապետական առանձնահատկությունները, քննարկեցին վանական համալիրների շուրջ ձևավորված հետաքրքիր ավանդապատումները։
Ուսանողները այցելեցին նաև Վանաձորի Սուրբ Մարիամ Աստվածածին եկեղեցին։
ԳՊՀ ուսանողները պրակտիկայի ընթացքում համալրում են իրենց մասնագիտական գիտելիքները և զարգացնում գործնական կարողությունները։