Գավառի պետական համալսարանում ուսանողների տեսական գիտելիքներին զուգահեռ կարևորվում են գործնական կարողությունները։ Սովորողների մասնագիտական կարողությունների զարգացմանը նպաստում են պրակտիկաները։
ԳՊՀ «Ֆինանսներ» մասնագիտության ավարտական կուրսի ուսանողներն իրենց արտադրական պրակտիկան հաջողությամբ անցկացնում են «ԱԿԲԱ բանկ»-ի «Գեղարքունիք» մասնաճյուղում: Նրանք ուսումնասիրում են բանկային համակարգի աշխատանքի սկզբունքներն ու կառուցակարգերը, աջակցում հաճախորդներին տարբեր ֆինանսական գործարքների իրականացման հարցերում, ինչպես նաև սիրով մասնակցում են բանկի մասնագետների կազմակերպած հատուկ դասընթացներին՝ զարգացնելով իրենց գործնական հմտությունները: Գավառի պետական համալսարանի ռեկտորատը շնորհակալություն է հայտնում «ԱԿԲԱ բանկ»-ին և մյուս բոլոր գործընկեր կազմակերպություններին՝ ԳՊՀ ուսանողների պրակտիկաները արդյունավետ անցկացնելու համար։