Այսօր Գավառի պետական համալսարան այցելեց ‹‹Հովանի›› կրթական հիմնադրամի տնօրենի պաշտոնակատար Արմեն Ալիխանյանը և հիմնադրամի անունից ուսման կիսամյակային վարձավճարի փոխհատուցման հավաստագրեր հանձնեց բուհի 19 ուսանողի։ Պարոն Ալիխանյանը կարևորեց գիտելիքը՝ որպես հաջողության երաշխիք, և ուսանողներին կոչ արեց լինել ակտիվ, նախաձեռնող, աշխատասեր ու նպատակասլաց, դրսևորել բարձր առաջադիմություն և ստանձնել անձնական պատասխանատվություն իրենց կրթության որակի, կյանքի ընթացքի, երազանքների իրականացման համար։
ԳՊՀ ռեկտոր Ռուզաննա Հակոբյանը խորին երախտագիտություն հայտնեց ‹‹Հովանի›› կրթական հիմնադրամի բարերարներին, հոգաբարձուների խորհրդի անդամներին, տնօրենի պաշտոնակատար Արմեն Ալիխանյանին՝ ուսանողներին հովանի լինելու, բարոյական և նյութական աջակցություն ցուցաբերելու համար։