Գավառի պետական համալսարանի հարգելի՛ ուսանողներ,
տեղեկացնում ենք, որ ուսանողական նպաստի ձևով ուսման վարձի մասնակի փոխհատուցման դիմումները 2024-2025 ուստարվա երկրորդ կիսամյակի համար ընդունվում են մինչև ս․ թ․ մարտի 5-ը։
Առկա ուսուցման բակալավրի և մագիստրոսի կրթական ծրագրերով սովորող ուսանողները, ովքեր ունեն համապատասխան կարգավիճակ, պահանջվող փաստաթղթերը պետք է ներկայացնեն համալսարան՝ վերոնշյալ ժամկետում։
Պետությունն ուսանողական նպաստի ձևով ուսման վճարի մասնակի փոխհատուցում՝ ըստ առաջադիմության, տրամադրում է՝
1. ընտանիքների անապահովության գնահատման համակարգում հաշվառված` Հայաստանի Հանրապետության կառավարության կողմից յուրաքանչյուր տարի սահմանվող անապահովության սահմանային 28 միավորից բարձր միավորներ ունեցող ուսանողներին (պահանջվող փաստաթղթեր. դիմում՝ ուսման վճարի մասնակի փոխհատուցման ներկայացման վերաբերյալ, տեղեկանք միասնական սոցիալական ծառայությունից՝ ընտանիքի անապահովության սահմանային միավորի վերաբերյալ, ակադեմիական տեղեկանք (բացառությամբ առաջին կուրսի ուսանողների), անձնագրի և սոցիալական քարտի պատճեները),
2. սոցիալական աջակցություն ստացող սահմանամերձ համայնքների բնակավայրերի ուսանողներին (պահանջվող փաստաթղթեր. դիմում՝ ուսման վճարի մասնակի փոխհատուցման ներկայացման վերաբերյալ, տեղեկանք համայնքապետարանից՝ սահմանամերձ համայնքի մշտական բնակիչ լինելու վերաբերյալ, ատեստատի պատճեն, ակադեմիական տեղեկանք (բացառությամբ առաջին կուրսի ուսանողների), անձնագրի և սոցիալական քարտի պատճեները),
3. մարտական գործողություններին մասնակցած ուսանողներին (պահանջվող փաստաթղթեր. դիմում՝ ուսման վճարի մասնակի փոխհատուցման ներկայացման վերաբերյալ, զինվորական գրքույկի պատճեն կամ տեղեկանք զինվորական կոմիսարիատից, ակադեմիական տեղեկանք (բացառությամբ առաջին կուրսի ուսանողների) անձնագրի և սոցիալական քարտի պատճեները),
4. առկա ուսուցմամբ բակալավրի ծրագրերով ընդունված և սովորող ուսանողներին, ովքեր ունեն երկու և ավելի անչափահաս երեխաներ (պահանջվող փաստաթղթեր. դիմում՝ ուսման վճարի մասնակի փոխհատուցման ներկայացման վերաբերյալ, երեխաների ծննդյան վկայականների պատճեններ, ակադեմիական տեղեկանք (բացառությամբ առաջին կուրսի ուսանողների), անձնագրի և սոցիալական քարտի պատճեները):
Սահմանված ժամկետից ուշ ներկայացված փաստաթղթերը չեն դիտարկվի:
ԳՊՀ ռեկտորատ