Սիրելի՛ ուսանողներ, ջերմորեն շնորհավորում ենք ձեզ՝ Ուսանողների միջազգային օրվա առթիվ։ Բարձրագույն կրթություն ստանալը ձեր կարևոր սահմանադրական իրավունքն է, որի արդյունավետ իրականացումը վճռորոշ նշանակություն ունի յուրաքանչյուրիդ համար։
Ուսանողական տարիներին անձը ձեռք է բերում մասնագիտական գիտելիքներ և կարողություններ, բացահայտում ու զարգացնում իր ներուժը, զինվում արժեքային ճիշտ կողմնորոշումներով։ Ուստի, դուք պետք է գիտակցաբար ստանձնեք ձեր ուսման պատասխանատվությունը և անվարան ընթանաք տեսական ու գործնական խորը գիտելիքներ, օգտակար սոցիալական փորձ, անհրաժեշտ հմտություններ կուտակելու ճշմարիտ ուղիով։
Եղեք նպատակասլաց ու աշխատասեր, հիշեք, որ որակյալ կրթությունը դեպի հաջողություն տանող ճանապարհ է, զարգացման ու առաջընթացի երաշխիք։
Գավառի պետական համալսարանի ռեկտորատ