Գավառի պետական համալսարանում 2024 թվականը եզրափակվեց «Տարվա չորս եղանակների փերիները» խորագրով թատերական ներկայացմամբ, որը կազմակերպել էին «Սերվիս» բաժնի ուսանողները՝ օտար լեզվի և գրականության ամբիոնի դասախոս Լիլիթ Թոռչյանի ղեկավարությամբ։
Ուսանողների ամանորյա շնորհավորանքներին, Սուրբ ծննդյան երգին ու պարին հաջորդեց Ձմեռ պապի այցը, ով ներկաների համար պատրաստել էր հետաքրքիր անակնկալներ։ Ապա հանդես եկան տարվա չորս եղանակների փերիները։ Նրանք գեղեցիկ և տպավորիչ կերպարներով, վարժ անգլերենով, կատարողական վարպետությամբ հաջորդաբար ներկայացրին տարվա բոլոր եղանակները՝ կարևորելով բնության գարնանային զարթոնքը, ամառային ոսկե տրամադրությունը, երփներանգ ու զգլխիչ աշունն ու սպիտակաթույր ձմեռը։
Ներկայացումն ավարտվեց 2025 թվականին խաղաղության և ներդաշնակության հաստատման բաղձալի մաղթանքով։