Գավառի պետական համալսարանի հումանիտար մասնագիտությունների ֆակուլտետի ուսանողների մասնակցությամբ տեղի ունեցավ Հայաստանի Հանրապետության անկախության 33-րդ տարեդարձին նվիրված ցերեկույթ։
Միջոցառման մասնակիցները, հետադարձ հայացք նետելով հայ ժողովրդի անցած ուղուն, հանդիսատեսին ներկայացրին Հայաստանի անկախության հռչակման պատմական ուղին, թե ինչպես 33 տարի առաջ՝ 1991 թ․ սեպտեմբերի 21-ին Հայաստանի բնակչության ճնշող մեծամասնությունը՝ 2 մլն 43 հազար մարդ, կամ քվեարկության իրավունք ունեցողների 94,39 տոկոսը, «Այո՛» ասաց անկախությանը։ Հանրաքվեի արդյունքների հիման վրա Հանրապետության Գերագույն խորհուրդը Հայաստանը հռչակեց անկախ պետություն։
ԳՊՀ ուսանողները ներկայացրին զեկուցումներ, ոգեշունչ բանաստեղծություններ և երգեր՝ նվիրված հայրենիքին։
Գավառի պետական համալսարանի սիրելի՛ ուսանողներ,
տեղեկացնում ենք, որ Եվրոպական միության «Erasmus +» ծրագրի շրջանակում Գավառի պետական համալսարանի և Իսպանիայի Թագավորության Ալմերիայի համալսարանի միջև կնքված պայմանագրի համաձայն՝ ԳՊՀ ուսանողները հնարավորություն ունեն 2024-2025 ուսումնական տարվա 2-րդ կիսամյակում սովորելու Ալմերիայի համալսարանում՝ հետևյալ մասնագիտություններով․
Ֆինանսներ, բանկային գործ և ապահովագրություն,
Մարքետինգ /Շուկայագիտություն/ և գովազդ,
Անգլերեն լեզու:
Անգլերեն լեզվի B2 մակարդակի իմացությունը պարտադիր է:
Ծրագիրը շահառու ուսանողներին տրամադրում է անհատական կրթաթոշակ, ինչպես նաև հոգում է ճանապարհածախսը:
Ծրագրի դիմումներն ընդունվում են մինչև 2024թ․ հոկտեմբերի 29-ը։
Փաստաթղթերը /անձնագրի պատճեն, կենսագրություն, ակադեմիական տեղեկանք, «հետաքրքրության» նամակ, անգլերեն լեզվի իմացության մասին տեղեկանք/ անհրաժեշտ է ուղարկել iro@gsu.am էլեկտրոնային փոստին։
Հարգելի՛ ուսանողներ, օգտվեք միջազգային ակադեմիական շարժունության ծրագրի ընձեռած հնարավորությունից։
Լրացուցիչ տեղեկությունների համար կարող եք այցելել ԳՊՀ արտաքին կապերի և լրատվության բաժին կամ զանգահարել 060-46-12-99 հեռախոսահամարով։
Մաղթում ենք հաջողություն։
