Ս. թ. հոկտեմբերի 29-ին Երևանի պետական համալսարանում կայացավ աշխատաժողով Եվրոպական միության «ԷՐԱԶՄՈՒՍ + KPI4HE․ Հայաստանում ներառական, թվային ու կանաչ ուղղվածությամբ բարձրագույն կրթության պատշաճ կառավարման և որակի ապահովման գործունեության առանցքային ցուցանիշների ազգային շրջանակի (ԳԱՑԱՇ) ստեղծում» ծրագրի շրջանակում: Այն նախաձեռնել էր ծրագրի համակարգողը՝ Երևանի պետական համալսարանը, քննարկելու Հայաստանում բարձրագույն կրթության գործունեության առանցքային ցուցանիշների ազգային շրջանակի նախագծի մշակման մեթոդաբանությունը:
Աշխատաժողովի բացմանը ողջույնի խոսքով հանդես եկավ ԵՊՀ-ի ակադեմիական/ուսումնական հարցերի գծով պրոռեկտոր Էլինա Ասրիյանը և ԵՄ «Էրազմուս+» ծրագրի ազգային գրասենյակի ծրագրի համակարգող Լանա Կարլովան, այնուհետև «KPI4HE» նախագծի համահամակարգող պարոն Արսեն Ապրոյանը ներկայացրեց «KPI4HE» նախագծի շրջանակներում կատարված և պլանավորված հիմնական աշխատանքները։ ԵՊՀ գիտական հարցերի գծով պրոռեկտոր Ռաֆայել Բարխուդարյանը ներկայացրեց Երևանի պետական համալսարանի ինստիտուցիոնալ հետազոտությունների և տվյալների հավաքագրման կառուցակարգերը, իսկ զարգացման և նորարարությունների գծով պրոռեկտոր Միքայել Հովհաննիսյանն անդրադարձավ բուհի ռազմավարական պլանավորման գործընթացում ինստիտուցիոնալ հետազոտությունների դերին։
Աշխատանքներն ընթացան երեք աշխատանքային խմբերում՝ նվիրված կրթությանը, գիտությանը և համալսարանի առաքելությանը, ԵՊՀ պրոռեկտորներ էլինա Ասրիյանի, Ռաֆայել Բարխուդարյանի և Միքայել Հովհաննիսյանի համակարգմամբ։ Աշխատաժողովին և խմբերի աշխատանքներին մասնակցեցին Գավառի պետական համալսարանի ուսումնագիտական գծով պրոռեկտոր Նելլի Կուտուզյանը, ինֆորմատիկայի և ֆիզիկամաթեմատիկական գիտությունների ամբիոնի վարիչ Վարազդատ Ավետիսյանը, ակադեմիական քաղաքականության բաժնի վարիչ Օլգա Ղազարյանը, որակի ապահովման բաժնի վարիչ Քանաքարա Հայրապետյանը, արտաքին կապերի և լրատվության բաժնի վարիչ Լիլիթ Թոռչյանը և նույն բաժնի մասնագետ Սիրանույշ Մկրտչյանը։
Եվրոպական միության «ԷՐԱԶՄՈՒՍ + KPI4HE›› ծրագրի շրջանակում ԳԱՑԱՇ-ի նախագծի մշակման աշխատանքները շարունակվում են։