Month: Հոկտեմբերի 2024

«- Խնդրում եմ պատմել Ձեր մասին և ներկայացնել Ձեր հաջողության պատմությունը:

— Անուշ Հակոբի Բաղդասարյանն եմ, ծնվել եմ 1999 թվականի դեկտեմբերի 18 –ին, ՀՀ Գեղարքունիքի մարզի Կարմիրգյուղ համայնքում։ 2006-2018թթ․ սովորել և գերազանցությամբ ավարտել եմ Կարմիրգյուղի N1 միջնակարգ դպրոցը։  2018-2022 թթ  սովորել և գերազանցությամբ ավարտել եմ ԳՊՀ բնագիտական ֆակուլտետի համակարգչային ճարտարագիտության բաժինը: 2022-2024թթ․ անվճար հիմունքներով ընդուվել և գերազանցությամբ ավարտել եմ նույն բաժնի մագիստրատուրան։ Ինչպես դպրոցական, այնպես էլ համալսարանական տարիներին մասնակցել  եմ բազմաթիվ ծրագրերի և դասընթացների։ 2023 թվականին «ՀՀ լավագույն ուսանող» մրցույթում բնագիտական ոլորտում զբաղեցրել եմ 2-րդ հորիզոնականը։

 — Ի՞նչ տվեց համալսարանը Ձեզ։

— Համալսարանը իմ հաջողության պատմության կարևոր  մասն է։ ԳՊՀ-ն լավագույն կրթօջախն է, որը բազմակողմանի հնարավորություններ  է տալիս յուրաքանչյուր ուսանողի։

— Ի՞նչն է Ձեզ համամար առաջնայինը կյանքում։

— Ինձ համար կյանքում առաջնայինը ընտանիքն է։ Ընտանիքում են ձևավորվում մարդու որակները, որոնք հետագայում զարգանում են ուսումնական հաստատություններում։

Ընտանիքը հայրենիքի հենասյունն է։ Ամուր հայրենիք ունենալու համար պետք է ունենալ կայացած և երջանիկ ընտանիքներ։

 -Ի՞նչ երազանք ունեք։

— Երազում եմ ամբողջ աշխարհում խաղաղության հաստատման մասին։ Երազում եմ, որ բոլորի հոգիներում թևածեն սերն ու ջերմությունը,  որ չարն ու թշնամանքը լքեն մարդկանց սրտերը։

 — Ինչ սկզբունքների եք դավանում։

— Ազնվություն, արդարություն, ճշտապահություն, բարություն, կամեցողություն, իհարկե՝ Աստվածաշնչյան պատգամներին հավատարիմ ապրելու ձգտում։

-Ի՞նչ նախասիրություններ ունեք, ազատ ժամանակ ինչո՞վ եք զբաղվում։

— Ազատ ժամանակ սիրում եմ կարդալ, զբաղվել ինքնակրթությամբ և ինքնազարգացմամբ, մասնակցում եմ տարբեր դասընթացների (մասնագիտական և ոչ մասնագիտական)։

-Ի՞նչ խորհուրդ կտաք ԳՊՀ ուսանողներին, ինչպե՞ս Ձեր կրտսեր ընկերները հաջորդ տարի հաղթեն «Լավագույն ուսանող» մրցույթում և, ընդհանրապես, ինչպե՞ս դառնալ լավագույնը:

— ԳՊՀ ուսանողներին խորհուրդ կտամ լավ սովորել, միշտ ձգտել ավելիին, լինել բազմակողմանի զարգացած ու միշտ փորձեն համապատասխանել ժամանակի պահանջներին, որպեսզի դառնան որակյալ և  պահանջված մասնագետ: Անհրաժեշտ է լինել աշխատասեր ու նպատակասլաց»։

Հարցազրույցը վարեց ԳՊՀ արտաքին կապերի և լրատվության բաժնի մասնագետ

Նունե Միրիբյանը

Գավառի պետական համալսարանի ուսանողները մասնակցեցին Երևանի պետական համալսարանի ուսանողական գիտական ընկերության կողմից կազմակերպված միջազգային երիտասարդական 10-րդ գիտաժողովին՝ նվիրված ԵՊՀ հիմնադրման 105-ամյակին։

Հոբելյանական գիտաժողովին ԳՊՀ ուսանողները հանդես եկան զեկուցումներով՝ հետևյալ թեմաներով․

1. Արմինե Ասլանյան՝ Հումանիտար մասնագիտությունների ֆակուլտետի առկա ուսուցման «Պատմություն» մասնագիտության 3-րդ կուրսի ուսանողուհի, թեմա՝«Գավառ քաղաքի անվան շուրջ», գիտական ղեկավար՝ պատմական գիտությունների թեկնածու Քանաքարա Հայրապետյան,
2. Ռեգինա Բաղդասարյան՝ Հումանիտար մասնագիտությունների ֆակուլտետի «Պատմություն» մասնագիտության մագիստրատուրայի 1-ին կուրսի ուսանողուհի, թեմա՝«Լճափցիների մասնակցությունը Հայրենական մեծ պատերազմին», գիտական ղեկավար՝ պատմական գիտությունների թեկնածու Աշխունջ Պողոսյան,
3. Լաուրա Մանուկյան՝ Հումանիտար մասնագիտությունների ֆակուլտետի առկա ուսուցման «Հայոց լեզու և գրականության» մասնագիտության 4-րդ կուրսի ուսանողուհի, թեմա՝«Քեյս մեթոդը որպես հանրակրթական դպրոցներում բայական անդամի խնդիր լրացումների ուսումնասիրման արդյունավետ միջոց», գիտական ղեկավար՝ ԳՊՀ դասախոս Ռուզաննա Սարգսյան,
4. Քրիստինե Բատիկյան՝ Հումանիտար մասնագիտությունների ֆակուլտետի «Հայոց լեզու և գրականություն» մասնագիտության 4-րդ կուրսի ուսանողուհի, թեմա՝«Մեդիատեխնոլոգինաերի կիրառումը ՆՈՒՀ-ում և տարրական դպրոցում», գիտական ղեկավար՝ ԳՊՀ դասախոս Սիրանուշ Խանդանյան։

Գիտաժողովի ավարտին մասնակիցներին հանձնվեցին հավաստագրեր։

Գավառի պետական համալսարանի սիրելի՛ ուսանողներ, հարգելի՛ դասախոսներ,  հրավիրում ենք ձեզ ներկա գտնվելու «Տնտեսագետների ակումբ»-ի կողմից կազմակերպված ինտելեկտուալ խաղ-մրցույթին, որը կկայանա ս․ թ․ հոկտեմբերի   17-ին, ժամը՝ 13։10-ին, Հրաչյա Աճառյանի անվան լսարանում (ԳՊՀ կենտրոնական մասնաշենքի 3-րդ հարկ)։

Սիրով սպասում ենք ձեզ։

Գավառի պետական համալսարանի ուսանողներին տարիներ շարունակ նյութական և բարոյական աջակցություն է ցուցաբերել բուհի պատվավոր բարերար, երջանկահիշատակ Ժիրայր Նիշանյանը, ում մարդասիրական առաքելությունը այժմ շարունակում են նրա տիկինն ու որդին՝ Անահիտ և Թագվոր Նիշանյանները։

Ս. թ. հոկտեմբերի 9-ին Գավառի պետական համալսարան այցելեցին Հայ օգնության ֆոնդի Հայաստանի մասնաճյուղի փոխտնօրեն, գիտական և կրթական ծրագրերի ղեկավար Էդուարդ Կարապետյանը, գիտական և կրթական ծրագրերի ղեկավարի օգնական Աննա Չիֆլիկյանը՝ Ժիրայր Նիշանյանի անվան կրթաշնորհառուների հետ հանդիպելու նպատակով։

Հանդիպմանը ներկա էր ԳՊՀ ռեկտոր Ռուզաննա Հակոբյանը, ով խորին երախտագիտություն հայտնեց Նիշանյան ընտանիքին՝ ուսանողներին մշտապես աջակցելու համար։

Պարոն Կարապետյանը ամփոփեց ուսանողների նախորդ ուսումնական տարվա արդյունքները, «Ժիրայր Նիշանյան հիմնադրամի կրթավճար» ծրագրում ընդգրկված առաջին կուրսի ուսանողներին ներկայացրեց բարերար Ժիրայր Նիշանյանի կենսագրությունը, կարևորեց ուսանողների բարձր առաջադիմությունը և կամավորական տարբեր ծրագրերին նրանց մասնակցությունը։

Գավառի պետական համալսարանի սիրելի՛ ուսանողներ, հարգելի՛ դասախոսներ, ՀՀ Գեղարքունիքի մարզի դպրոցների բարձր դասարանների աշակերտներ և ուսուցիչներ, սիրով հրավիրում ենք ձեզ ծանոթանալու ԳՊՀ միջազգային ծրագրերին, եվրոպական բուհերում ուսումնառած և դասավանդած ԳՊՀ ուսանողների և դասախոսների հաշվետվությունների ներկայացմանը և փորձի փոխանակմանը` ս․ թ․ հոկտեմբերի 18-ին և 19-ին-ին, ժամը՝ 13։00-ին:

Անցկացման վայրը՝ Գավառի պետական համալսարանի կենտրոնական մասնաշենքի 3-րդ հարկ, Հրաչյա Աճառյանի անվան լսարան։

Սիրով սպասում ենք ձեզ։

ԳՊՀ արտաքին կապերի և լրատվության բաժին

В Грозненском государственном нефтяном техническом университете имени академика М. Д. Миллионщикова Чеченской Республики состоялась V Международная научная конференция «Образование будущего-2024», в которой приняли участие заведующий кафедрой управления и финансов Гаварского государственного университета, кандидат экономических наук, доцент Амирханян Самвел и преподаватель той же кафедры, кандидат экономических наук, доктор социологических наук, профессор Саакян Армен․

Цель конференции-создание платформы для обсуждения широкого спектра вопросов, связанных с цифровой трансформацией современного образования, включая содержательные, технологические и методологические аспекты формирования профессиональных способностей будущих специалистов в цифровой образовательной среде.

Тематическими направлениями конференции были:

1. Актуальныепроблемыпрофессиональногообразованияв контекстецифровизацииобщества,
2. Цифроваядидактикав профессиональномобразованиииобучении,
3. Цифроваяинженериякаксинергияинженерныхнаукиобразовательныхтехнологий,
4. Технологии и содержание современной цифровой образовательной среды,
5. Виртуализацияидополненнаяреальностьвпрофессиональномобразовании,
6. Психологическаяхарактеристикацифровогопоколения․

Гаварский государственный университет также является соорганизатором конференции. Профессор Саакян Армен представил доклад на тему «Образование и карьера будущего: императивы времени».

Доклады конференции будут опубликованы в сборнике научных статей Грозненского государственного нефтяного технического университета имени академика М. Д. Миллионщикова.

Գավառի պետական համալսարանի Կառավարման և ֆինանսների ամբիոնի վարիչ, տնտեսագիտության թեկնածու, դոցենտ Սամվել Ամիրխանյանը, նույն ամբիոնի դասախոս, տնտեսագիտության թեկնածու, սոցիոլոգիական գիտությունների դոկտոր, պրոֆեսոր Արմեն Սահակյանը մասնակցեցին Չեչնիայի Հանրապետության Գրոզնիի ակադեմիկոս Մ․ Դ․ Միլլիոնշչիկովի անվան  պետական նավթային տեխնիկական համալսարանում կայացած «Ապագայի կրթություն» խորագրով միջազգային  V  գիտաժողովին։

Գիտաժողովի համակազմակերպիչ է նաև Գավառի պետական համալսարանը։

ԳՊՀ պրոֆեսոր Արմեն Սահակյանը ներկայացրեց զեկուցում՝ «Ապագայի կրթություն և կարիերա. ժամանակի հրամայականները» թեմայով։

Գիտաժողովի  նպատակն է ստեղծել հարթակ՝ ժամանակակից կրթության թվային վերափոխման հետ կապված հարցերի լայն շրջանակի քննարկման համար, ներառյալ՝ թվային կրթական միջավայրում ապագա մասնագետների մասնագիտական ​​կարողությունների ձևավորման բովանդակային, տեխնոլոգիական և մեթոդական ասպեկտները: Գիտաժողովի թեմատիկ ուղղություններն էին.

1. Մասնագիտական ​​կրթության արդի հիմնախնդիրները հասարակության թվայնացման համատեքստում,
2. Թվային դիդակտիկան մասնագիտական ​​կրթության և ուսուցման մեջ,
3. Թվային ճարտարագիտությունը որպես ինժեներական գիտությունների և կրթական տեխնոլոգիաների սիներգիա,
4. Ժամանակակից թվային կրթական միջավայրի տեխնոլոգիաները և բովանդակությունը,
5. Վիրտուալացում և ընդլայնված իրականություն՝ մասնագիտական ​​կրթության մեջ,
6. Թվային սերնդի հոգեբանական բնութագիրը:

Գիտաժողովի զեկուցումները  կտպագրվեն  Գրոզնիի ակադեմիկոս Մ․ Դ․ Միլլիոնշչկովի անվան  պետական նավթային տեխնիկական համալսարանի  գիտական հոդվածների  ժողովածուում։