Ս․ թ․ դեկտեմբերի 25-ին Գավառի պետական համալսարան այցելեց Հայաստանի Հանրապետությունում Իրանի Իսլամական Հանրապետության դեսպանության մշակույթի կենտրոնի ղեկավար Մոհամմադ Ասադի Մովահեդին։
Հյուրին ողջունեց Գավառի պետական համալսարանի ռեկտոր Ռուզաննա Հակոբյանը։ Կայացավ հանդիպում բուհի պրոֆեսորադասախոսական, վարչական անձնակազմի ներկայացուցիչների և ուսանողների հետ։ Քննարկվեցին հայ-իրանական բազմադարյան պատմամշակութային կապերն ու առնչությունները, անդրադարձ կատարվեց իրանական և հայկական պոեզիային ու փիլիսոփայությանը, կարևորվեց համագործակցությունը մշակույթի, կրթության և գիտության ոլորտներում։ Հանդիպման ընթացքում քննարկվեցին գործակցության հնարավորությունները՝ համատեղ ծրագրերի մշակման և իրականացման, ուսանողների փոխանակման, միջմշակութային հաղորդակցության զարգացման ուղղություններով։ Պարոն Մոհամմադ Ասադի Մովահեդինը եղավ Գավառի պետական համալսարանի՝ Վարշամ Ավետյանի անվան պատմագիտական թանգարանում։
