Եվրոպական միության «Էրազմուս+» ծրագրի շրջանակում Գավառի պետական համալսարանի և Պորտուգալիայի Հանրապետության Էվորայի համալսարանի միջև կնքված պայմանագրի համաձայն՝ ԳՊՀ իրավագիտության ամբիոնի դասախոս Լուսինե Բախտիկյանը Էվորայի համալսարանում մասնակցեց մեկշաբաթյա վերապատրաստման։
Նա հանդիպեց պրոռեկտոր Խոսե Սարագոսայի, հասարակական գիտությունների ֆակուլտետի դեկան Սիլվերիո Հոշայի, հասարակական գիտությունների ամբիոնի ավագ խորհրդատու Լեոնոր Ռոշայի, ինչպես նաև միջազգային կապերի բաժնի աշխատակիցների հետ, ներկայացրեց Գավառի պետական համալսարանի արտաքին կապերն ու իրականացրած եվրոպական ծրագրերը։
Վերապատրաստման ընթացքում գործընկեր բուհի ներկայացուցիչներն անդրադարձան ուսումնական ծրագրերի մշակման սկզբունքներին, ուսանողների գիտելիքների ստուգման ու գնահատման համակարգին, կրթության բովանդակային ու կազմակերպական խնդիրներին, ներկայացրին Էվորայի համալսարանի ենթակառուցվածքները։
Դասընթացի ավարտին տիկին Բախտիկյանին շնորհվեց հավաստագիր։
