Գավառի պետական համալսարանի մագիստրատուրայի ուսումնական ծրագրի կարևոր բաղադրիչ են պրակտիկաները, որոնց ընթացքում ուսանողները զարգացնում են իրենց գործնական կարողությունները։ ԳՊՀ «Ֆինանսներ, դրամաշրջանառություն և վարկ» բաժնի մագիստրատուրայի 2-րդ կուրսի ուսանողուհի Ամալյա Մարտոյանը գիտամանկավարժական պրակտիկայի ընթացքում բակալավրիատի ուսանողների համար վարեց բաց դաս՝ «ՀՀ արտաքին պետական պարտքի կառավարումը բյուջետային քաղաքականության իրականացման համատեքստում» թեմայով։
Դասի ընթացքում Ամալյա Մարտոյանը մանրամասն ներկայացրեց Հայաստանի Հանրապետության արտաքին պետական պարտքի կառուցվածքը, կառավարման հիմնախնդիրները։ Նա անդրադարձավ պարտքի կայունության ցուցանիշներին, պարտքի սպասարկման ռիսկերին և դրանց նվազեցման հնարավորություններին։
Ուսանողուհին հատուկ ուշադրություն դարձրեց բյուջետային քաղաքականության ազդեցությունը պետական պարտքի կառավարման արդյունավետության վրա՝ վերլուծելով վերջին տարիների միտումները և ներկայացնելով միջազգային փորձը։
Բաց դասի ավարտին տեղի ունեցավ հետաքրքիր քննարկում, որի ընթացքում բակալավրիատի ուսանողները բարձրացրին հարցեր պետական պարտքի կառավարման ռազմավարության, տնտեսական զարգացման վրա դրա ազդեցության և ապագա մարտահրավերների վերաբերյալ։
ԳՊՀ ֆինանսների և կառավարման ամբիոնի վարիչ Սամվել Ամիրխանյանը բարձր գնահատեց Ամալյա Մարտոյանի կիրառած մեթոդները՝ նշելով, որ նման փորձը նպաստում է ապագա մասնագետների շրջանում գիտելիքների տարածմանը, բակալավրիատի և մագիստրատուրայի ուսանողների համագործակցությանը։