💼 Կառավարման և ֆինանսների ամբիոն

🎓 Կրթական ոլորտ

Ամբիոնը իրականացնում է բակալավրիատի «Ֆինանսներ /ըստ ոլորտի/» և «Տնտեսագիտություն» և մագիստրատուրայի «Ֆինանսներ, դրամաշրջանառություն և վարկ» և «Տնտեսագիտություն» մասնագիտական կրթական ծրագրերը:

🔬 Գիտահետազոտական ոլորտ

Ամբիոնի գիտահետազոտական ուղղություններն են`

• Հարկաբյուջետային քաղաքականության բարելավման հնարավորությունները ՀՀ-ում
• ՀՀ-ում տեղական և տարածքային համաչափ զարգացման ապահովման հիմնահարցերը
• ՀՀ Գեղարքունիքի մարզի սոցիալ-տնտեսական հիմնախնդիրները և դրանց լուծման ուղիները:

📊 Հաշվապահական հաշվառման ամբիոն

🎓 Կրթական ոլորտ

Ամբիոնը իրականացնում է բակալավրիատի «Հաշվապահական հաշվառում և հարկում /ըստ ոլորտի» և մագիստրատուրայի «Հաշվապահական հաշվառում /ըստ ճյուղերի» մասնագիտական կրթական ծրագրերը:

🔬 Գիտահետազոտական ոլորտ

• Կազմակերպություններում հաշվապահական հաշվառման, հարկային հաշվառման և աուդիտի կազմակերպման և մեթոդոլոգիայի կատարելագործման հիմնահարցերը
• Ձեռնարկությունների (կազմակերպությունների) տնտեսական գործունեության տնտեսագիտական վերլուծության և ֆինանսական պլանավորման մեթոդիկաների մշակման և կատարելագործման հիմնախնդիրները
• Ձեռնարկությունների (կազմակերպությունների) կառավարման մեջ հաշվապահական հաշվառման և վերլուծության մեթոդների, մեխանիզմների, գործիքների և տեխնոլոգիաների արդյունավետ օգտագործման խնդիրները և կատարելագործման հիմնական ուղղությունները:

🌿 Կենսաբանության, էկոլոգիայի և առողջ ապրելակերպի ամբիոն

🎓 Կրթական ոլորտ

ԳՊՀ կենսաբանության, էկոլոգիայի և առողջ ապրելակերպի ամբիոնում իրականացվում են բակալավրի վեց և մագիստրատուրայի երեք մասնագիտական կրթական ծրագրեր։ Կենսաբանություն և Աշխարհագրություն ՄԿԾ-ները մասնագիտական մանկավարժության ոլորտում են /բակալավրիատ և մագիստրատուրա/, Դեղագործական քիմիա ՄԿԾ-ն՝ քիմիայի /բակալավրիատ/, Սերվիս ՄԿԾ-ն՝ սերվիսի /բակալավրիատ/, Քարտեզագրություն և կադաստրային գործ ՄԿԾ-ն՝ աշխարհագրության /բակալավրիատ/, Բնապահպանություն և բնօգտագործում ՄԿԾ-ն՝ բնապահպանության և բնօգտագործման ոլորտներում /բակալավրիատ և մագիստրատուրա/։ Ամբիոնը համալրված է համապատասխան գիտական աստիճաններ ունեցող և գործնական ոլորտում աշխատող պրոֆեսորադասախոսական կազմով, որոնք դասավանդում են ՄԿԾ-ների առկա և հեռակա ուսուցման համակարգերում։

🔬 Գիտահետազոտական ոլորտ

Ամբիոնում գիտահետազոտական հիմնական ուղղություններն են՝

• Հողային ռեսուրսների մելիորատիվ վիճակի բարելավման հիմնախնդիրներ
• ՀՀ Գեղարքունիքի մարզում տուրիզմի զարգացման հնարավորություններն ու հեռանկարները
• Ջրակենսաբանական հետազոտություններ, ֆիտոպլանկտոնի քանակական և որակական ցուցանիշների հետազոտություն
• Բարդ օրգանական նյութերի սինթեզը և կիրառումը դեղաբանության մեջ:

💻 Ինֆորմատիկայի և ֆիզիկամաթեմատիկական գիտությունների ամբիոն

🎓 Կրթական ոլորտ

Ամբիոնում իրականացվում են բակալավրիատի և մագիստրատուրայի մեկական կրթական ծրագրեր՝ Համակարգչային ճարտարագիտության բակալավրիատ և Համակարգչային ճարտարագիտության մագիստրատուրա։ ՀՃ մասնագիտության կրթական ծրագրով պատրաստվում են ինֆորմատիկայի մասնագետներ, որոնք տիրապետում են ՀՃ մասնագիտությանը և ունեն ավելի խորը գիտելիքներ ինչպես համակարգչային տեխնիկայի և համակարգչային ցանցերի, այնպես էլ ծրագրավորման բնագավառում:

🔬 Գիտահետազոտական ոլորտ

Ամբիոնում գիտահետազոտական հիմնական ուղղություններն են՝

• Արհեստական բանականության համակարգեր և նեյրոնային ցանցեր
• Ծրագրային ապահովման մշակում
• WEB-տեխնոլոգիաներ
• Էլեկտրոնային ուսուցում, առցանց կրթական տեխնոլոգիաներ
• Համակարգչային թեստավորում, գիտելիքների ստուգում և գնահատում: