Հարգելի՛ դիմորդներ, Գավառի պետական համալսարանը հայտարարում է 2025-2026 ուսումնական տարվա հեռակա ուսուցման ընդունելություն՝ բակալավրի կրթական ծրագրով: Ընդունելության դիմում-հայտը լրացնելու համար անհրաժեշտ է դիմել ԳՊՀ ընդունող հանձնաժողովին՝ անձնական համար ստանալու նպատակով։ Հայտագրումը կատարվում է Գնահատման և թեստավորման կենտրոնի /ԳԹԿ/ «dimord.am» կայքի միջոցով՝ մինչև ս․ թ․ սեպտեմբերի 25-ը, ժամը՝ 18:00-ն:
Ընդունելության դիմում-հայտը ընդունելության ժամկետի ավարտից հետո փոփոխման ենթակա չէ: Դիմորդը յուրաքանչյուր քննության համար 1500 ՀՀ դրամ փոխանցում է ԳԹԿ-ի հաշվեհամարին /900018003401/ ։
Ընդունելության քննությունների վճարից ազատվում են․
- 1-ին և2-րդ խմբերի հաշմանդամություն ունեցող անձինք և մինչև18 տարեկան հաշմանդամ երեխաները կամ ֆունկցիոնալության ծանր և խորը աստիճանի սահմանափակում ունեցող անձինք (երեխաները),
- առանց ծնողական խնամքի մնացած մինչև23 տարեկան երեխաները:
Ընդունելության քննությունը դրական միավորով հանձնելու դեպքում Հայաստանի Հանրապետության պետական բյուջեի միջոցների հաշվին մրցույթից դուրս ընդունվում են ժամկետային պարտադիր զինվորական ծառայության ժամանակ ծառայողական պարտականությունները կատարելիս 1-ին կամ 2-րդ խմբի հաշմանդամության զինվորական կենսաթոշակի իրավունք ունեցող նախկին զինծառայողները, ինչպես նաև զոհված (մահացած) զինծառայողների ծնողները, ամուսինը (կինը), մինչև 27 տարեկան զավակները: Իսկ մարտական հերթապահություն իրականացնող զորամասերում պարտադիր ժամկետային զինվորական ծառայություն անցած և վերջին մեկ տարվա ընթացքում զորացրված դիմորդները՝ քննությունները դրական միավորներով հանձնելու դեպքում բուհ են ընդունվում մրցույթից դուրս:
Հեռակա ուսուցման ընդունելության քննությունները կազմակերպում և անցկացնում է ԳԹԿ-ն: Քննություններն անցկացվելու են գրավոր, թեստերի միջոցով, ս․ թ․ հոկտեմբերի 20-ից 27-ը:
Հարցերի դեպքում կարող եք զանգահարել Գավառի պետական համալսարան՝ 060-46-12-43, 099-02-21-41 հեռախոսահամարներով, ինչպես նաև հարցերը հղել ԳՊՀ էլփոստի հասցեներով՝ info@gsu, infogsu@mail.ru։
Կից ներկայացնում ենք ԳՊՀ բակալավրիատի հեռակա ուսուցման մասնագիտությունները, քննական առարկաները, ուսման տարեկան վարձավճարները`
ԳՊՀ ընդունող հանձնաժողով