Գավառի պետական համալսարանի հումանիտար մասնագիտությունների ֆակուլտետի ուսանողական գիտական ընկերություն նախաձեռնությամբ կայացավ Միսաք Մեծարենցի ծննդյան 140-ամյակին նվիրված ուսանողական գիտաժողով։
Գիտաժողովը մեկնարկեց ԳՊՀ հայոց լեզվի և գրականության ամբիոնի վարիչ, բանասիրական գիտությունների դոկտոր, պրոֆեսոր Վաչագան Գրիգորյանի ողջույնի խոսքով։
Գիտաժողովին ուսանողները հանդես եկան զեկուցումներով` հետևյալ թեմաներով.
1․ Քրիստինե Բատիկյան՝ «Հայոց լեզու և գրականություն» մասնագիտության մագիստրատուրայի 1-ին կուրսի ուսանողուհի, թեմա` «Բնությունը Միսաք Մեծարենցի ստեղծագործություններում»,
2․ Միլենա Դարբինյան՝ «Իրավագիտություն» բաժնի բակալավրիատի 2-րդ կուրսի ուսանողուհի, թեմա` «Մարդու անձեռնմխելության իրավունքի մեծարենցյան ընկալումը»,
3․ Աննա Լազարյան՝ «Հայոց լեզու և գրականություն» բաժնի բակալավրիատի 4-րդ կուրսի ուսանողուհի թեմա` «Արցախյան հերոսական-պատմական ավանդազրույցները»,
4․ Վիկտորյա Ներսիսյան՝ «Անգլերեն լեզու և գրականություն» մասնագիտության մագիստրատուրայի 1-ին կուրսի ուսանողուհի, թեմա` «Developing soft skills while learning EFL in education»,
5․ Աիդա Կարապետյան «Անգլերեն լեզու և գրականություն» մասնագիտության մագիստրատուրայի 1-ին կուրսի ուսանողուհի, թեմա` «The role of English as a global language in the 21 st century»,
6․ Լաուրա Մանուկյան՝ «Հայոց լեզու և գրականություն» մասնագիտության մագիստրատուրայի 1-ին կուրսի ուսանողուհի, թեմա` «Աստվածաշնչյան թեմաները Վ․ Գրիգորյանի «Ոստանի վերջին ճամփորդությունը» վիպակում:
ԳՊՀ ռեկտոր Ռուզաննա Հակոբյանը, դեկաններ Թաթուլ Ասոյանը և Մարտին Ավագյանը, հասարակական գիտությունների ամբիոնի վարիչ Համլետ Ղաջոյանը կարևորեցին ուսանողական գիտաժողովների կազմակերպումը և շնորհակալություն հայտնեցին բոլոր մասնակիցներին։
Գիտաժողովի ավարտին պրոֆեսոր Վաչագան Գրիգորյանը մասնակիցներին հանձնեց հավաստագրեր:
Category: Без рубрики
ԳՊՀ-ՈՒՄ ԿԿԱՅԱՆԱ ՈՒՍԱՆՈՂԱԿԱՆ ԳԻՏԱԺՈՂՈՎ՝ COP-17-ԻՆ ԸՆԴԱՌԱՋ
Գավառի պետական համալսարանի սիրելի՛ ուսանողներ և դասախոսներ, դպրոցների հարգելի՛ ուսուցիչներ և ավագ դասարանների աշակերտներ, բնապահպանական խնդիրներով մտահոգ անձինք, ս․ թ․ հոկտեմբեր ամսին Հայաստանի Հանրապետությունում կկայանա ՄԱԿ-ի «Կենսաբանական բազմազանության մասին» կոնվենցիայի կողմերի 17-րդ համաժողովը (COP-17)։ Համաժողովին ընդառաջ ԳՊՀ հումանիտար մասնագիտությունների ֆակուլտետի ուսանողական գիտական ընկերությունը կազմակերպել է գիտաժողով։ Սիրով հրավիրում ենք ձեզ՝ մասնակցելու «Կենսաբանական բազմազանության մասին» կոնվեցիայի կիրառման կառուցակարգերին և ներպետական իրավական կարգավորումներին նվիրված ուսանողական գիտաժողովին։
Գիտաժողովը տեղի կունենա 2026 թվականի մայիսի 7-ին, ժամը 12:00-ին՝ ԳՊՀ կենտրոնական մասնաշենքի Հրաչյա Աճառյանի անվան լսարանում։
Գիտաժողովի ընթացքում ԳՊՀ իրավագիտության բաժնի ուսանողները կներկայացնեն կենսաբանական բազմազանության պահպանության միջազգային իրավական հիմքերը, հիմնական սկզբունքներն ու պետությունների պարտավորությունները, բնապահպանական մարտահրավերներին դիմակայելու միջոցները։
Սիրով սպասում ենք ձեզ։
ԳՊՀ հումանիտար մասնագիտությունների ֆակուլտետի
ուսանողական գիտական ընկերություն
ՇՆՈՐՀԱՎՈՐՈՒՄ ԵՆՔ ԱՇԽԱՏԱՆՔԻ ՕՐԸ
ԳՊՀ ԴԱՍԱԽՈՍ ՀԱՍՄԻԿ ՄԱՐԳԱՐՅԱՆԸ՝ ԵՄ «ԷՐԱԶՄՈՒՍ+» ՄԻՋԱԶԳԱՅԻՆ ՇԱԲԱԹՎԱ ԱԿՏԻՎ ՄԱՍՆԱԿԻՑ
Գավառի պետական համալսարանի հաշվապահական հաշվառման ամբիոնի դասախոս Հասմիկ Մարգարյանը Եվրոպական Միության «Էրազմուս+» միջազգային շարժունության ծրագրի շրջանակներում մասնակցեց Իսպանիայի Թագավորության Ալմերիայի համալսարանում կազմակերպված միջազգային շաբաթին, որը միավորել էր տարբեր երկրների բուհերի ներկայացուցիչների՝ փորձի փոխանակման, համագործակցության ընդլայնման և կրթական նորարարությունների քննարկման նպատակով։
Միջազգային շաբաթվա ընթացքում տեղի ունեցան բազմաբնույթ գիտակրթական և մշակութային միջոցառումներ։ Հասմիկ Մարգարյանը մասնակցեց միջազգային կամավորության և համալսարանների սոցիալական պատասխանատվության թեմայով գիտաժողովին, «Էրազմուս+» ծրագրի շրջանակում ուսանողական շարժունության փորձին նվիրված կլոր սեղան-քննարկմանը և ցանցային հանդիպումներին (Networking session), որոնց ընթացքում քննարկվեցին միջբուհական համագործակցության ընդլայնման հնարավորությունները և միջազգային կրեդիտային շարժունության իրականացման խնդիրներն ու հեռանկարները։ Աշխատաժողովների ընթացքում ներկայացվեցին «Էրազմուս+» 2021–2027թթ․ ծրագրի գործիքները, «OLA (Online Learning Agreement)» համակարգը, «Blended intensive (BI)» ծրագրերի կազմակերպման առանձնահատկությունները, ինչպես նաև եվրոպական ֆինանսավորմամբ կրթական նախագծերի կառավարման լավագույն փորձը։
Հետաքրքիր էր «Արհեստական բանականության կիրառման հնարավորությունները բուհական կառավարման համակարգերում» թեմայով դասախոսությունը, որի ընթացքում ներկայացվեցին ուսանողական տվյալների վերլուծության, ակադեմիական առաջադիմության հաշվարկման, ուսումնական գործընթացի անհատականացման և վարչական գործընթացների ինքնաշխատ կազմակերպման արդի մոտեցումները։
Միջազգային շաբաթվա ընթացքում կազմակերպվեցին նաև մշակութային միջոցառումներ, այդ թվում՝ միջազգային ուսանողների փառատոն, որոնք նպաստեցին միջմշակութային հաղորդակցության զարգացմանը և փորձի փոխանակմանը։
Միջազգային ակադեմիական շարժունության ծրագրերը ԳՊՀ դասախոսին ընձեռեցին նոր գիտելիքներ և փորձառություն ձեռք բերելու հնարավորություն։
ԳՊՀ-ՈՒՄ ԿԱՅԱՑԱՎ ՈՒՍԱՆՈՂԱԿԱՆ ԳԻՏԱԺՈՂՈՎ՝ ՆՎԻՐՎԱԾ ՏՆՏԵՍՈՒԹՅԱՆ «ԿԱՆԱՉ» ՓՈԽԱԿԵՐՊՄԱՆԸ ԵՎ ԷԿՈԼՈԳԻԱԿԱՆ ՀԻՄՆԱԽՆԴԻՐՆԵՐԻՆ
ԳՊՀ բնագիտատնտեսագիտական ֆակուլտետի ուսանողների մասնակցությամբ տեղի ունեցավ գիտաժողով՝ նվիրված տնտեսության «կանաչ» փոխակերպմանը և էկոլոգիական հիմնախնդիրներին։
Գիտաժողովին ուսանողները հանդես եկան զեկուցումներով՝ հետևյալ թեմաներով․
1․ Սիլվինե Մոմչյան՝ «ֆինանսներ (ըստ ոլորտի)» բաժնի 3֊րդ կուրսի ուսանողուհի, թեմա՝ ««Կանաչ» տնտեսությունը որպես կայուն զարգացման կարևոր գործոն», գիտական ղեկավար՝ ԳՊՀ կառավարման և ֆինանսների ամբիոնի վարիչ, տնտեսագիտության թեկնածու, դոցենտ Սամվել Ամիրխանյան,
2․ Անահիտ Ասատրյան՝ «ֆինանսներ (ըստ ոլորտի)» բաժնի 2֊րդ կուրսի ուսանողուհի, թեմա՝ «Կանաչ տնտեսության զարգացման հեռանկարները ռեսուրսաարդյունավետության և առավել մաքուր արտադրության տեխնոլոգիաների կիրառմամբ», գիտական ղեկավար՝ Սամվել Ամիրխանյան,
3․ Օֆելյա Մանուկյան՝ «ֆինանսներ (ըստ ոլորտի)» բաժնի 2֊րդ կուրսի ուսանողուհի, թեմա՝ «Շրջանաձև տնտեսությունը որպես կանաչ տնտեսության մոդել», գիտական ղեկավար՝ Սամվել Ամիրխանյան,
4.Մանվել Գևորգյան՝ «ֆինանսներ (ըստ ոլորտի)» բաժնի 3֊րդ կուրսի ուսանող, թեմա՝ «Շրջանաձև տնտեսության զարգացման խոչընդոտները փոքր և միջին ձեռնարկություններում», գիտական ղեկավար՝ Սամվել Ամիրխանյան,
5.Օլյա Ավետիսյան՝ «Տնտեսագիտություն» բաժնի 2֊րդ կուրսի ուսանողուհի, թեմա՝ «COP-17-ի բնապահպանական օրակարգը և կանաչ տնտեսության զարգացման հեռանկարները Հայաստանում», գիտական ղեկավար՝ տնտեսագիտության թեկնածու, դոցենտ Դավիթ Անդրոյան,
6.Սոֆյա Ավետիսյան՝ «Տնտեսագիտություն» բաժնի 3֊րդ կուրսի ուսանողուհի, թեմա՝ «Արդյունաբերական սիմբիոզի մոդելի կիրառումը Գեղարքունիքի մարզում․ ինտեգրված շրջանաձև տնտեսական համակարգի ձևավորման ուղիներ», գիտական ղեկավար՝ Դավիթ Անդրոյան,
7.Անժելա Ավետիսյան՝ «Տնտեսագիտություն» բաժնի 3֊րդ կուրսի ուսանողուհի, թեմա՝ «Կանաչ էներգիան և դրա զարգացման հեռանկարները Հայաստանում» գիտական ղեկավար՝ Սամվել Ամիրխանյան։
Զեկուցումներն ուղեկցվեցին ակտիվ հարց ու պատասխանով, բովանդակալից քննարկումներով։
ՀՐԱՎԻՐՈՒՄ ԵՆՔ ՄԱՍՆԱԿՑԵԼՈՒ ԳԱՎԱՌԻ ՊԵՏԱԿԱՆ ՀԱՄԱԼՍԱՐԱՆԻ 29-ՐԴ ՄԻՋԱԶԳԱՅԻՆ ԳԻՏԱԺՈՂՈՎԻՆ
Հարգելի՛ դասախոսներ, ասպիրանտներ, մագիստրանտներ, գիտահետազոտական գործունեությամբ զբաղվող անձինք, սիրով հրավիրում ենք ձեզ մասնակցելու Գավառի պետական համալսարանի ամենամյա՝ 29-րդ միջազգային գիտաժողովին, որը կկայանա 2026թ. մայիսի 2-ին, սկիզբը՝ ժամը 11։00-ին, առցանց ձևաչափով, Jitsi Meet հարթակում։
Կից ներկայացնում ենք գիտաժողովի ծրագիրը և խնդրում լիագումար նիստինմիանալ հետևյալ հղմամբ․
https://meet.jit.si/moderated/5c234f758314772946cda6a294fe278d07bde10c34821242af09b91c882a9a35
Լիագումար նիստից հետո գիտաժողովը կշարունակվի 10 մասնագիտական բաժանմունքներում, որոնց աշխատանքներին կարող եք մասնակցել ծրագրի համապատասխան բաժիններում նշված հղումներով։ Լիագումար նիստի և բոլոր բաժանմունքների հղումները հասանելի են նաև ներքոհիշյալ հասցեով՝
Գիտաժողովի աշխատանքային լեզուներն են հայերենը, ռուսերենը, անգլերենը։
Ցանկացած հարցի դեպքում կարող եք զանգահարել հետևյալ հեռախոսահամարներով՝ +374 60 46-03-02, 60-46-12-43, 60-46-12-99, 077-37-51-51, ինչպես նաև կարող եք դիմել մասնագիտական բաժանմունքների տեխնիկական պատասխանատուներին, որոնց հեռախոսահամարները և էլեկտրոնային փոստի հասցեները կարող եք գտնել ծրագրի համապատասխան բաժիններում։
Հարցերի դեպքում մեզ կարող եք գրել ԳՊՀ էլփոստի հետևյալ հասցեներով՝ infogsu@mail.ru, info@gsu.am
Գիտաժողովի ծրագրին կարող եք ծանոթանալ կից հղումով՝
ԳՊՀ 29-րդ գիտաժողովի կազմկոմիտե
ՀՐԱՎԻՐՈՒՄ ԵՆՔ ԻՆՏԵՐԱԿՏԻՎ ԴԱՍԱԽՈՍՈՒԹՅԱՆ՝ «ԵՎՐՈՊԱԿԱՆ ՄԻՈՒԹՅՈՒՆԸ ԵՐԻՏԱՍԱՐԴՆԵՐԻ ՀԱՄԱՐ․ ԵԿԵՔ ԽՈՍԵՆՔ ԱՅՆ ՄԱՍԻՆ, ԻՆՉԸ ՄԻԱՎՈՐՈՒՄ Է ՄԵԶ» ԽՈՐԱԳՐՈՎ
Գավառի պետական համալսարանի հարգելի՛ ուսանողներ և դասախոսներ, սիրով տեղեկացնում ենք ձեզ, որ ս․ թ․ մայիսի 13-ին, ժամը 13:00–14:30-ին ԳՊՀ-ում կկայանա ինտերակտիվ դասախոսություն՝ «Եվրոպական միությունը երիտասարդների համար․ եկեք խոսենք այն մասին, ինչը միավորում է մեզ» խորագրով։ Դասախոսությունը կվարեն Հայաստանում Եվրոպական Միության պատվիրակության ղեկավար, դեսպան, Նորին Գերազանցություն պարոն Վասիլիս Մարագոսը և Հայաստանի Հանրապետությունում Չեխիայի Հանրապետության արտակարգ և լիազոր դեսպան, Նորին Գերազանցություն պարոն Պետր Պիրունչիկը։ Դասախոսությունը կազմակերպվում է Հայաստանում Եվրոպական Միության պատվիրակության ռազմավարական հաղորդակցության նախաձեռնության շրջանակում, որի նպատակն է նպաստել ԵՄ–Հայաստան հարաբերությունների վերաբերյալ իրազեկվածությանը, ինչպես նաև ներկայացնել ԵՄ շարունակական աջակցությունը երիտասարդներին, հայաստանյան բուհերի ուսանողներին և դասախոսներին։
Սիրով հրավիրում ենք մասնակցելու բաց դասախոսությանը, որը տեղի կունենա Գավառի պետական համալսարանի կենտրոնական մասնաշենքի Հրաչյա Աճառյանի անվան լսարանում։
ԳՊՀ արտաքին կապերի և լրատվության բաժին
ՀԱՅՏԱՐԱՐՈՒԹՅՈՒՆ ԵՎՐՈՊԱՅԻ ՕՐՎԱՆ ՆՎԻՐՎԱԾ ՄԻՋՈՑԱՌՈՒՄՆԵՐԻ ՎԵՐԱԲԵՐՅԱԼ
Հարգելի՛ ուսանողներ, Եվրոպայի օրվան նվիրված միջոցառումների շրջանակում Հայաստանի «Էրազմուս+» ազգային գրասենյակը նախատեսում է կազմակերպել առցանց հանդիպում՝ որպես բանախոս ներգրավելով «Էրազմուս+ International Credit Mobility (ICM)» ծրագրին մասնակցած ուսանողներին։
Հանդիպման նպատակն է ստեղծել հարթակ, որտեղ ուսանողները կներկայացնեն իրենց միջազգային շարժունության փորձառությունը, ձեռքբերումներն ու տպավորությունները՝ նպաստելով Հայաստանում «Էրազմուս+» ուսանողական համայնքի ամրապնդմանը և ծրագրի ընձեռած հնարավորությունների մասին տեղեկատվության տարածմանը։
Խնդրում ենք ICM ծրագրին մասնակցած ուսանողներին ակտիվորեն մասնակցել՝ գրանցվելով հետևյալ հղումով․
Հանդիպումը կանցկացվի առցանց ձևաչափով, և հավելյալ մանրամասները կտրամադրվեն գրանցված մասնակիցներին։
Սիրելի՛ ուսանողներ, շնորհակալություն ենք հայտնում ձեր ակտիվության համար։
Հարգանքով՝ «Էրազմուս+» ազգային գրասենյակ
Հայաստան թիմ
ՀՐԱՎԻՐՈՒՄ ԵՆՔ ԳՊՀ ՈՒՍԱՆՈՂԱԿԱՆ ԳԻՏԱԺՈՂՈՎԻ՝ ՆՎԻՐՎԱԾ ՄԻՍԱՔ ՄԵԾԱՐԵՆՑԻ ԾՆՆԴՅԱՆ 140-ԱՄՅԱԿԻՆ
Գավառի պետական համալսարանի սիրելի՛ ուսանողներ և դասախոսներ, դպրոցների հարգելի՛ ուսուցիչներ և աշակերտներ, հայոց լեզվի և գրականության մասնագետներ, պոեզիայի սիրահարներ, հրավիրում ենք ձեզ մասնակցելու «հիվանդ, հանճարեղ պատանու»՝ Միսաք Մեծարենցի ծննդյան 140-ամյակին նվիրված ուսանողական գիտաժողովին։
Գիտաժողովը կկայանա 2026 թվականի ապրիլի 30-ին, ժամը՝ 12:00-ին, ԳՊՀ կենտրոնական մասնաշենքի Հրաչյա Աճառյանի անվան լսարանում։
Սիրով սպասում ենք ձեզ։
ԳՊՀ հումանիտար մասնագիտությունների ֆակուլտետի ուսանողական գիտական ընկերություն
ՀՐԱՎԻՐՈՒՄ ԵՆՔ ՈՒՍԱՆՈՂԱԿԱՆ ԳԻՏԱԺՈՂՈՎԻ՝ ՆՎԻՐՎԱԾ ՏՆՏԵՍՈՒԹՅԱՆ «ԿԱՆԱՉ» ՓՈԽԱԿԵՐՊՄԱՆԸ ԵՎ ԷԿՈԼՈԳԻԱԿԱՆ ՀԻՄՆԱԽՆԴԻՐՆԵՐԻՆ
Գավառի պետական համալսարանի սիրելի՛ ուսանողներ և դասախոսներ, դպրոցների հարգելի՛ ուսուցիչներ և բարձր դասարանների աշակերտներ, հրավիրում ենք ձեզ՝ մասնակցելու ուսանողական գիտաժողովի, որը կկայանա 2026 թվականի ապրիլի 26-ին, ժամը 12:00-ին՝ ԳՊՀ կենտրոնական մասնաշենքի Հրաչյա Աճառյանի անվան լսարանում։
Գիտաժողովի թեման է՝ «Տնտեսության «կանաչ» փոխակերպումը և էկոլոգիական հիմնախնդիրները արդի պայմաններում»։
Գիտաժողովի ընթացքում հնարավորություն կունենաք՝ քննարկելու «կանաչ», շրջանաձև տնտեսության առանձնահատկությունները, էկոլոգիական, տնտեսական և սոցիալական հիմնախնդիրները, բնապահպանական մարտահրավերներին դիմակայելու միջոցները։
Սիրով սպասում ենք թեմայով հետաքրքրվող անձանց։
ԳՊՀ բնագիտատնտեսագիտական ֆակուլտետի
ուսանողական գիտական ընկերություն