Category: Без рубрики

2026թ. մայիսի 2-ին կայացավ Գավառի պետական համալսարանի ամենամյա հերթական՝ 29-րդ միջազգային գիտաժողովը։ Լիագումար նիստից հետո գիտաժողովը շարունակվեց 10 մասնագիտական բաժանմունքներում։ 6-րդ բաժանմունքում լսվեցին հայոց լեզվին և նրա դասավանդման մեթոդիկային նվիրված զեկուցումներ։ Զեկուցումներով հանդես եկան Հրաչյա Աճառյանի անվան լեզվի ինստիտուտի տնօրեն, բանասիրական գիտությունների դոկտոր, դոցենտ Վիկտոր Կատվալյանը, ԳՊՀ հումանիտար մասնագիտությունների ֆակուլտետի դեկան, բանասիրական գիտությունների թեկնածու, դոցենտ Թաթուլ Ասոյանը, Երևանի պետական համալսարանի դասախոսներ, բանասիրական գիտությունների թեկնածու, դոցենտներ Սուսաննա Գրիգորյանը, որը դասախոսում է նաև Գավառի պետական համալսարանում, Նաիրա Պարոնյանը, Սիրարփի Կարապետյանը, ԳՊՀ և ՀՌՀ դասախոս, բանասիրական գիտությունների թեկնածու, դոցենտ Նաիրա Իսկանդարյանը, ՇՊՀ հայոց լեզվի և գրականության բաժնի մագիստրատուրայի 1-ին կուրսի ուսանողուհի Մանե Մկրտչյանը, նույն բաժնի մագիստրատուրայի 2-րդ կուրսի ուսանողուհի Հերիքնազ Հովհաննիսյանը՝ ղեկավարությամբ ՇՊՀ դասախոս, բանասիրական գիտությունների թեկնածու, դոցենտ Արմենուհի Ավագյանի, ԳՊՀ «Հայոց լեզու և գրականություն» մասնագիտության մագիստրատուրայի 1-ին կուրսի ուսանողուհի Լաուրա Մանուկյանը՝ ղեկավարությամբ հայոց լեզվի և գրականության ամբիոնի դասախոս Ռուզաննա Սարգսյանի, Գեղարքունիքի մարզի Ակունքի միջնակարգ դպրոցի հայոց լեզվի և գրականության ուսուցչուհի Իրինա Ասոյանը։

Վիկտոր Կատվալյանի զեկուցումը նվիրված էր Հրաչյա Աճառյանի «Գավառական բառարան»-ում Բայազետի բարբառին վերաբերող բառաշերտի ուսումնասիրությանը։ Հատկանշական է, որ այս տարի նշվում է մեծ հայագետի ծննդյան 150-ամյակը։ Թաթուլ Ասոյանի զեկուցման մեջ քննարկվում էին 19-րդ դարի պարբերականներում, մասնավորապես Կ․Պոլսում հրատարակված «Սէր» հանդեսում արծարծված լեզվական հարցերը։

Ն․ Պարոնյանի, Ս․ Գրիգորյանի և Ս․ Կարապետյանի համատեղ զեկուցումները վերաբերում էին Մ․ Ասատրյանի՝ հայ բարբառների դասակարգմանը վերաբերող դիտարկումներին (զեկուցեց Ն․ Պարոնյանը) և Ստեփանոս Տարոնեցի Ասողիկի «Պատմութիւն տիեզերական» երկում եղած նորակազմություններին (զեկուցեց Ս․ Գրիգորյանը)։ Ն Իսկանդարյանը ներկայացրեց բուհում հայերենի՝ որպես օտար լեզվի դասավանդման արդի մեթոդներն ու տեխնոլոգիաներն ըստ ուսուցման սեփական փորձի։ Մայրենի լեզվի զարգացման խնդիրներին և նրա պահպանման մարտահրավերներին էր նվիրված Ի․ Ասոյանի զեկուցումը։ Ներկայացվեցին զեկուցումներ Հ․ Սահյանի պոեզիայում առկա ածականական բառակապակցությունների, նրանց ոճական առանձնահատկությունների (զեկուցեց Մ․ Մկրտչյանը, համահեղինակ՝ Ա․ Ավագյան ) և Վ․ Դավթյանի պոեզիայում գործածված միակազմ նախադասությունների, դրանց կիրառական նշանակության վերաբերյալ (զեկուցեց Հ․ Հովհաննիսյանը)։ Լ․ Մանուկյանի զեկուցման թեման պրոբլեմային մեթոդի կիրառման առանձնահատկություններն էին կոնկրետ լեզվական նյութի ուսուցման համատեքստում։

Զեկուցումներում արծարծված լեզվական ու մեթոդական հարցերի շուրջ ծավալվեց ակտիվ քննարկում։

Հարգելի՛ դիմորդներ, տեղեկացնում ենք, որ Գավառի պետական համալսարանի մագիստրատուրայի 2026-2027 ուսումնական տարվա ընդունելությունը կկազմակերպվի ս․ թ․ հունիսի 6-ից մինչև սեպտեմբերի 1-ը։

Ընդունելությունն իրականացվում է հետևյալ մասնագիտություններով՝

1. Տարրական մանկավարժություն և մեթոդիկա

2. Պատմություն

3. Հայոց լեզու և գրականություն

4. Ռուսաց լեզու և գրականություն

5. Անգլերեն լեզու և գրականություն

6. Հաշվապահական հաշվառում /ըստ ճյուղերի/

7. Ֆինանսներ, դրամաշրջանառություն և վարկ

8. Տնտեսագիտություն

9. Իրավագիտություն

10. Համակարգչային ճարտարագիտություն

11. Կանաչ տնտեսություն և կայուն զարգացում

12. Կենսաբանություն

13. Աշխարհագրություն

14. Բնապահպանություն և բնօգտագործում

Դիմում-հայտի հետ անհրաժեշտ է ներկայացնել հետևյալ փաստաթղթերը․

1. անձը հաստատող փաստաթուղթը և պատճեն,

2. բարձրագույն կրթության դիպլոմի և հավելվածի բնօրինակն ու պատճենը,

3. ինքնակենսագրություն,

4. երաշխավորագիր ֆակուլտետի խորհրդից (նախորդ տարիների շրջանավարտները երաշխավորագրեր չեն ներկայացնում),

5. զինվորական ծառայության առնչության վերաբերյալ փաստաթուղթը և պատճեն (առկայության դեպքում),

6. հրատարակված գիտական աշխատանքների ցուցակ (առկայության դեպքում),

7. ՀՀ օրեսդրությամբ սահմանված հատուկ արտոնություններից oգտվելու մասին փաստաթուղթը և պատճեն (առկայության դեպքում` հաշմանդամության վերաբերյալ տեղեկանք, եթե հավակնորդը I կամ II խմբի հաշմանդամ է, մինչև 23 տարեկան երկկողմանի ծնողազուրկ, զոհված զինծառայողի երեխա լինելու մասին փաստաթղթեր)։

8. 6 լուսանկար (3 x 4 սմ չափսի),

9. ընդունելության ծառայությունների համար սահմանված 3000 (երեք հազար) ՀՀ դրամի վճարի անդորրագիր (փոխանցումը կատարել ցանկացած բանկից՝ «ՎՏԲ Հայաստան» բանկ ՓԲԸ Կամո մ/ճ 16021100146800 հաշվեհամարին)

Կից ներկայացնում ենք ԳՊՀ մագիստրատուրայի ուսման վարձավճարի չափերը՝ ըստ մասնագիտությունների։

Գավառի պետական համալսարանի հեռակա բաժնի առաջինից չորրորդ կուրսերի  սիրելի՛ ուսանողներ, տեղեկացնում ենք ձեզ, որ 2026 թվականի ուսումնական տարվա երկրորդ կիսամյակի դասերը կմեկնարկեն 2026թ. հունիսի 3-ին և կավարտվեն 2026 թ. հունիսի 21-ին:

Միաժամանակ հայտնում ենք, որ ս․  թ․ հունիսի 7-ին ԳՊՀ-ում ոչ աշխատանքային օր է, ուստի հունիսի 7-ի փոխարեն դասերը կկայանան հունիսի 9-ին։

Դասերին մասնակցելը պարտադիր է։ Խնդրում ենք ժամանակին և պատշաճ կերպով կատարել ձեր ուսումնական և ֆինանսական  պարտականությունները։

Հիմքերի առկայության դեպքում ուսման վարձավճարի մասնակի փոխհատուցում, բուհի կողմից զեղչ ստանալու մասին դիմումները և համապատասխան փաստաթղթերն  ընդունվում են մինչև 2026 թվականի հունիսի 10-ը` ներառյալ։

Այն ուսանողները, ովքեր զինվորական ծառայության զորակոչվելու վերաբերյալ ծանուցագիր են ստացել, խնդրում ենք ծանուցագրի պատճեն՝ դիմումին կից, ներկայացնել ռեկտորատ, տարկետում ստանալու նպատակով։

Ձեզ հետաքրքրող հարցերով կարող եք դիմել ԳՊՀ ֆակուլտետների դեկանատներ, ամբիոններ, ռեկտորատ։

Համալսարանի բոլոր կառուցվածքային ստորաբաժանումներն ու աշխատակիցները սիրով սպասում են ձեզ։

Մաղթում ենք արդյունավետ ուսումնառություն։

ԳՊՀ արտաքին կապերի և լրատվության բաժին

Եվրոպական միության «Էրազմուս+» միջազգային կրեդիտային շարժունության ծրագրի շրջանակում ԳՊՀ արտաքին կապերի և լրատվության բաժնի վարիչ, օտար լեզվի և գրականության ամբիոնի դասախոս Լիլիթ Թոռչյանը դասախոսական աշխատանք կատարեց Իտալիայի Հանրապետության Հռոմի Սապիենզայի համալսարանում։

Դասախոսություններն անցկացվեցին Արվեստի և հումանիտար գիտությունների ֆակուլտետի միջազգային հարաբերությունների բաժնի ուսանողների համար՝ «Մշակույթների պատմություն» դասընթացի շրջանակում։ Դասախոսությանը ներկա էին ուսանողներ Իտալիայից, Ֆրանսիայից, Ռուսաստանից, Եթովպիայից, Ճապոնիայից և Չինաստանից։

Դասախոսությունների թեման Հայաստանի, Անգլիայի և Իտալիայի բանահյուսության համեմատական վերլուծությունն էր, մասնավորապես, երեք երկրների մշակութային բազմազանությունը, դրանց միջև նմանությունը և տարբերությունը, ծննդյան, հարսանեկան և մահվան ծիսակարգերին առնչվող ավանդույթները։

Համեմամատական վերլուծության մեթոդով զուգահեռներ անցկացվեցին նաև հայկական «Սասնա Ծռեր», անգլիական «Բեովուլֆ» և իտալական «Աստվածային կատակերգություն» էպիկական ստեղծագործությունների միջև։

Ներկաները նաև ծանոթացան հայկական մշակության առանձնահատկություններին, լսեցին հայկական ժողովրդական երգեր, դիտեցին «Բերդ» ազգային պարը և համեմատություն անցկացրին հայաստանյան և իրենց երկրների մշակույթների, էպոսների և վաղ շրջանի գրական ստեղծագործությունների միջև։ Տիկին Թոռչյանն անդրադարձ կատարեց նաև կրոնական ծիսակարգերին, և ներկաներին ներկայացրեց Հայաստանի՝ որպես առաջին քրիստոնյա երկիր լինելու և քրիստոնեության՝ որպես սեր և հանդուրժողականության քարոզող կրոնի վերաբերյալ փաստեր։

2026 թ․ մայիսի 2-ին կայացած Գավառի պետական համալսարանի 29-րդ միջազգային գիտաժողովի 5-րդ բաժանմունքում ներկայացվեցին մանկավարժական և հոգեբանական գիտությունների հիմնախնդիրներին նվիրված հետաքրքիր զեկուցումներ։ Բաժանմունքի աշխատանքը ղեկավարեց ԳՊՀ հումանիտար մասնագիտությունների ֆակուլտետի հասարակական գիտությունների ամբիոնի դասախոս, մանկավարժահոգեբանական կենտրոնի ղեկավար, հոգեբան-փորձագետ Արմինե Դավթյանը։ Գիտաժողովի մասնակիցները հանդես եկան տեսական և կիրառական նշանակություն ունեցող զեկուցումներով, որոնք վերաբերում էին կրթության, դաստիարակության, հոգեբանական աջակցության և ժամանակակից մանկավարժական գիտակարգերի տարբեր հարցերի։ Տիկին Դավթյանը ներկայացրեց զեկուցում՝ «Функционально-ориентированная типология личности: от описательных классификаций к анализу вклада личности в социальную среду» թեմայով։ Շիրակի պետական համալսարանի դասախոս, մանկավարժական գիտությունների թեկնածու Գայանե Ավետիսյանը, մանկավարժական գիտությունների թեկնածու, դոցենտ Շողիկ Սարգսյանը, ուսանող Արուսյակ Նահապետյանն անդրադարձան պրոբլեմային ուսուցման մեթոդաբանությանը և դրա կիրառմանը հանրակրթական դպրոցի հայոց լեզվի դասավանդման գործընթացում։ Հայաստանի պետական տնտեսագիտական համալսարանի ավագ դասախոս, բանասիրական գիտությունների թեկնածու, դոցենտ Աննա Երկանյանը զեկուցեց «Դասավանդողի խոսքի էթիկետ» թեմայով։

ԳՊՀ ակադեմիական քաղաքականության բաժնի վարիչ, հայոց լեզվի և գրականության ամբիոնի դասախոս Oլգա Ղազարյանը ներկայացրեց զեկուցում «Լեզվական խաղերի կիրառումը մայրենիի դասերին՝ որպես սովորողների ճանաչողական հետաքրքրության ձևավորման միջոց» թեմայով։

Սարուխանի թիվ 2-րդ միջնակարգ դպրոցի ուսուցչուհի, ԳՊՀ շրջանավարտ Բալասան Սաքեյանը ներկայացրեց «Քննադատական մտածողությունը՝ պատմական մտածողության նախապայման» թեմայով զեկուցում։ Հայկական պետական մանկավարժական համալսարանի կիրառական հոգեբանության ամբիոնի մասնագետ Սոֆի Գրիգորյանը ներկայացրեց «Աշխատանքային թիմերի տեսակները որպես գործունեության արդյունավետության գործոն» թեմայով զեկուցում։

ԳՊՀ արտաքին կապերի և լրատվության բաժնի մասնագետ Նունե Միրիբյանը ներկայացրեց զեկուցում՝ «Քննադատական մտածողության զարգացումը կրտսեր դպրոցում մայրենիի դասերին» թեմայով։

Վանաձորի մաթեմատիկայի և բնագիտական առարկաների խորացված ուսուցմամբ մասնագիտական դպրոցի ուսուցչուհիներ Հայկուշ Պետրոսյանը, Նվարդ Ալիխանյանը, Վանաձորի Վահան Տերյանի անվան թիվ 5 ավագ դպրոցի ուսուցչուհի Նաիրա Սարգսյանը ներկայացրին «Արհեստական բանականության նպատակային ինտեգրումը պատմության դասավանդման գործընթացում» թեմայով զեկուցում։

Երևանի Սամվել Գևորգյանի անվան թիվ 189 ավագ դպրոցի անգլերենի ուսուցչուհի Ելենա Հարությունյանը ներկայացրեց զեկուցում՝ «Միջին դպրոցում կարճ պատմվածքներ ուսուցանելիս նախընթերցանական վարժությունների կիրառման ռազմավարությունները» թեմայով։ ՇՊՀ դասախոս, հայցորդ Սոֆիա Հովսեփյանը խոսեց «Արտ թերապիայի կիրառումը որպես ախտորոշիչ միջոց» թեմայի շուրջ։

ԳՊՀ հասարակական գիտությունների ամբիոնի դասախոս Ջուլիետա Մարգարյանը ներկայացրեց զեկուցում՝ «Դերային խաղերը և պատմական կերպարների մոդելավորումը պատմության դասավանդման ընթացքում» թեմայով։

Զեկուցումներն ուղեկցվում էին բովանդակալից շնորհանդեսներով և քննարկումներով։ Մասնակիցներն ընդգծեցին մանկավարժական և հոգեբանական գիտությունների արդիական նշանակությունը կրթական համակարգի զարգացման, մասնագիտական որակների բարելավման և ժամանակակից մարտահրավերների հաղթահարման գործում։

Գավառի պետական համալսարանի «Սերվիս» բաժնի ուսանողները՝ ուսումնական պրակտիկայի շրջանակներում, գյուղատնտեսական գիտությունների դոկտոր, դոցենտ Մարտին Ավագյանի, Կենսաբանության, էկոլոգիայի և առողջ ապրելակերպի ամբիոնի դասախոս, աշխարհագրական գիտությունների դոկտոր, պրոֆեսոր Արամայիս Ավագյանի ղեկավարությամբ, դեկանի տեղակալ Մելանյա Գարեյանի և ակադեմիական խորհրդատու Անուշ Ոսկանյանի ուղեկցությամբ այցելեցին ՀՀ Տավուշի և Լոռու մարզեր։

Ուսումնական պրակտիկայի ընթացքում ուսանողներն այցելեցին Լոռու մարզի պատմամշակութային հուշարձաններ՝ Օձունի վանք և Սանահինի վանական համալիր, ինչպես նաև Վանաձոր քաղաքի Սուրբ Աստվածածին եկեղեցի։ Այնուհետև պրակտիկան շարունակվեց Տավուշի մարզում՝ ներառելով Հաղարծնի վանք այցելությունը, և ավարտվեց Սևանավանք այցելությամբ, որտեղ ուսանողները ծանոթացան համալիրի պատմամշակութային նշանակությանը։ Ուսանողները հնարավորություն ունեցան գործնականում ծանոթանալու ՀՀ մարզերի պատմամշակութային ժառանգությանը, զբոսաշրջային ներուժին, զարգացնելու իրենց մասնագիտական գիտելիքներն ու հմտությունները զբոսաշրջության և սերվիսի ոլորտներում։