Գավառի պետական համալսարանի բնագիտատնտեսագիտական ֆակուլտետի ուսանողները՝ Ինֆորմատիկայի և ֆիզիկամաթեմատիկական գիտությունների ամբիոնի վարիչ Վարազդատ Ավետիսյանի, տեղեկատվական տեխնոլոգիաների բաժնի աշխատակիցներ Կարեն Սիրականյանի, Հայրիկ Զարգարյանի և Արթուր Միրիբյանի ուղեկցությամբ, մասնակցեցեցին «ԴիջիԹեք 2025» հոբելյանական՝ 20-րդ միջազգային տեխնոլոգիական ցուցահանդեսին։ Ուշագրավ միջոցառումը կազմակերպում է Առաջատար տեխնոլոգիական ձեռնարկությունների միությունը, «Մերիդիան» ցուցահանդեսային կենտրոնում՝ մասնակից դարձնելով հազարավոր անձանց, ավելի քան 300 ընկերությունների և 100-ից […]

Գավառի պետական համալսարանի բնագիտատնտեսագիտական ֆակուլտետի առաջին կուրսի ուսանողների մասնակցությամբ կայացավ ցերեկույթ՝ նվիրված Հայաստանի Հանրապետության անկախության 34-րդ տարեդարձին։ Միջոցառման նպատակն էր արժևորել Հայաստանի անկախության և ազգային պետականության պատմական նշանակությունը։ Ուսանողները ներկայացրին Հայաստանի նորանկախ Հանրապետության անցած ուղին, 1995 թվականին ընդունված Սահմանադրության դերը պետականության կայացման գործում, անդրադարձան ՀՀ պետական խորհրդանիշների խորհրդին։ Միջոցառումը հագեցած էր գեղարվեստական գեղեցիկ կատարումներով՝ հուզիչ […]

Գավառի պետական համալսարանի ուսանողները մասնակցեցին Երևանի պետական համալսարանի ուսանողական գիտական ընկերության կողմից կազմակերպված միջազգային 11-րդ գիտաժողովին՝ նվիրված Հայոց ցեղասպանության 110-րդ տարելիցին։ Գիտաժողովին ԳՊՀ ուսանողները հանդես եկան զեկուցումներով՝ հետևյալ թեմաներով․ 1. Արմինե Ասլանյան՝ Հումանիտար մասնագիտությունների ֆակուլտետի առկա ուսուցման «Պատմություն» մասնագիտության 4-րդ կուրսի ուսանողուհի, թեմա՝ «Ամենայն Հայոց Կաթողիկոսի տեղեկալ Տ. Գևորգ արքեպիսկոպոս Չորեքչյանի հոգևոր-հասարակական գործունեությունը նախապատերազմյան տարիներին […]

Գավառի պետական համալսարանի հարգելի՛ դասախոսներ, տեղեկացնում ենք, որ Եվրոպական միության «Էրազմուս+» ծրագրի շրջանակում Գավառի պետական համալսարանի և Իսպանիայի Թագավորության Վալլադոլիդի համալսարանի միջև կնքված պայմանագրի համաձայն՝ ԳՊՀ դասախոսները հնարավորություն ունեն 2025-2026 ուսումնական տարվա ընթացքում դասավանդելու և/կամ վերապատրաստվելու Վալլադոլիդի համալսարանում: Անգլերեն լեզվի B2 մակարդակի իմացությունը պարտադիր է: Ծրագրի դիմումներն ընդունվում են առցանց՝ հետևյալ հղմամբ․ https://uvamobplus2.uva.es/publico/apply Բաժիններին կարող […]

Գավառի պետական համալսարանի իրավագիտության բաժնի ուսանողներին, դասախոսներին, շրջանավարտներին, թեմայով հետաքրքրված անձանց հրավիրում ենք մասնակցելու ակադեմիկոս Վլադիկ Ներսեսյանցի «Իրավունքի փիլիսոփայություն» աշխատությանը նվիրված բաց դասին, որը կկայանա ս․ թ․ հոկտեմբերի 11-ին, ժամը՝ 12։00-ին։ Ակադեմիկոս Ներսեսյանցը իրավունքի ազատական (լիբերտար) տեսության և ցիվիլիզմի ուսմունքի հիմնադիրն է, բազմաթիվ արժեքավոր գիտական աշխատությունների հեղինակ, որոնք անգնահատելի նշանակություն ունեն իրավագիտության զարգացման գործում։ Բաց […]

Անգնահատելի է ուսուցչի դերն անհատի ձևավորման ու կայացման գործում։ Այսօր՝ հոկտեմբերի 5-ին, Հայաստանի Հանրապետությունում և ավելի քան 100 երկրում նշվում է Ուսուցչի համաշխարհային օրը։ Այս կարևոր տոնը նախաձեռնել է ՅՈՒՆԵՍԿՕ-ն, 1994 թվականին՝ ի հիշատակ այն պատմական իրադարձության, երբ 1966 թվականի հոկտեմբերի 5-ին Փարիզում տեղի ունեցավ միջկառավարական կոնֆերանս, որն ընդունեց ուսուցիչների աշխատանքի կարգավիճակը սահմանող առաջին միջազգային […]

Գավառի պետական համալսարանի ուսանողները Ճարտարապետության և շինարարության Հայաստանի ազգային համալսարանի /ՃՇՀԱՀ/ դասախոսների և ուսանողների, ինչպես նաև Իտալիայի Միլանի պոլիտեխնիկի դասախոսների հետ միասին, Գավառի համայնքապետարանի հետ համագործակցությամբ իրականացրին Գավառ քաղաքի պատմաճարտարապետական հետաքրքրություն ներկայացնող հուշարձանների, շինությունների ու տարածքների եռօրյա ուսումնասիրություն։ Կատարված ուսումնասիրության արդյունքում կազմվելու է Գավառի պատմաճարտարապետական շինությունների ցանկը, որը ներկայացվելու է համայնքին և հանրությանը։ ՃՇՀԱՀ պատվիրակները […]

Ս․ թ․ սեպտեմբերի 29-ին ՀՀ գիտությունների ազգային ակադեմիայի արևելագիտության ինստիտուտում կայացավ հանդիպում Գավառի, Վանաձորի, Շիրակի պետական համալսարանների, ԵՊՀ Իջևանի մասնաճյուղի և «Կաճառ» գիտական կենտրոնի պատվիրակների հետ։ Գավառի պետական համալսարանը ներկայացնում էր որակի ապահովման բաժնի վարիչ, Հասարակական գիտությունների ամբիոնի դասախոս, պատմական գիտությունների թեկնածու Քանաքարա Հայրապետյանը։ Արևելագիտության ինստիտուտի նախաձեռնությամբ ԳՊՀ գրադարանին նվիրաբերվեց ինստիտուտի հրատարակած շուրջ 50 անուն […]

Գավառի պետական համալսարանի սիրելի՛ ուսանողներ, տեղեկացնում ենք, որ մեկնարկել է «Լավագույն ուսանող» մրցույթի ներբուհական փուլը։ Մրցույթին կարող են մասնակցել առկա ուսուցմամբ բակալավրի կրթական ծրագրի 2-4-րդ կուրսերի, իսկ մագիստրոսի կրթական ծրագրով` առաջին կուրսն ավարտած ուսանողները, որոնք ունեն բարձր առաջադիմություն, մասնակցել են համալսարանական, հանրապետական կամ միջազգային գիտաժողովների, սեմինարների, ֆորումների, ներկայացրել զեկուցումներ, հանդես եկել հաղորդումներով, ելույթներով, արժանացել են […]

Շվեդիայի Ռաուլ Վալլենբերգի անվան ինստիտուտի նախաձեռնությամբ կայացավ «Ինչպես հիմնել և վարել իրավաբանական կլինիկա» թեմայով աշխատաժողով, ինչպես նաև համանուն գրքի շնորհանդես։ Աշխատաժողովի ընթացքում ներկայացվեց իրավաբանական կլինիկայի հիմնադրման և արդյունավետ կառավարման լավագույն փորձը, քննարկվեցին իրավաբանական կրթության մեջ կլինիկական ուսուցման դերը, սովորողների պրակտիկ կարողությունների զարգացման ուղիները, արդի մարտահրավերներն ու լուծումները։ Աշխատաժողովին մասնակցեցին իրավաբանական կրթության ոլորտի ներկայացուցիչներ, կլինիկական կրթության […]

Լույս է տեսել Գավառի պետական համալսարանի հումանիտար մասնագիտությունների ֆակուլտետի Հայոց լեզվի և գրականության ամբիոնի դասախոս, բանասիրական գիտությունների դոկտոր, պրոֆեսոր Արա Առաքելյանի «Միջնադարյան Եվրոպայի հերոսական էպոսը» գիրքը։ Գրքում համակողմանի քննության է ենթարկվում եվրոպական միջնադարյան գրականության ամենակարևոր ժանրերից մեկը՝ էպոսը իր արխայիկ և դասական տարբերակներով։ Առանձնակի ուշադրություն է հատկացվում ինչպես էպոսների ծագումնաբանության և ձևավորման, այդ կապակցությամբ դրանց […]

Գավառի պետական համալսարանի կառավարման և ֆինանսների ամբիոնի դասախոս, տնտեսագիտության թեկնածու, սոցիոլոգիական գիտությունների դոկտոր, պրոֆեսոր Արմեն Կոլյայի Սահակյանը Ամերիկայի Միացյալ Նահանգների Կալիֆոռնիա նահանգի Սան Դիեգո քաղաքում մասնակցել է 2025 թվականի սեպտեմբերի 15-ից մեկնարկած՝  «Content Marketing World-2025» կոնֆերանսին։ Պարոն Սահակյանը ներկայացրել է  զեկուցում՝  «Բովանդակային մարքեթինգի կիրառման անհրաժեշտությունը և հնարավորությունները բարձրագույն կրթության համակարգում» թեմայով, մասնակցել է քննարկումների, ձեռք […]

Գավառի պետական համալսարանում ներկայացվում են նախորդ ուսումնական տարվա ընթացքում ֆակուլտետների, ամբիոնների, բուհի մյուս կառուցվածքային ստորաբաժանումների կատարած աշխատանքների հաշվետվությունները, քննարկվում և հստակեցվում են անելիքները։ Ս․ թ․ սեպտեմբերի 13-ին ԳՊՀ բնագիտատնտեսագիտական ֆակուլտետի դեկան, գյուղատնտեսական գիտությունների դոկտոր Մարտին Ավագյանը հանգամանալից ներկայացրեց կենսաբանության, էկոլոգիայի և առողջ ապրելակերպի ամբիոնի 2024-2025 ուսումնական տարվա գործունեության հաշվետվությունն ու 2025-2026 ուստարվա զարգացման հիմնական ուղղությունները։ ԳՊՀ ինֆորմատիկայի և ֆիզիկամաթեմատիկական գիտությունների ամբիոնի նախորդ տարվա աշխատանքներն ու 2025-2026 ուստարվա զարգացման հիմնական ուղղությունները բովանդակալից շնորհանդեսի միջոցով ներկայացրեց ամբիոնի վարիչ, տեխնիկական գիտությունների թեկնածու Վարազդատ Ավետիսյանը։ Ընթացիկ տարում կարևորվեցին բարելավված կրթական ծրագրերի որակյալ իրականացումը, […]

Գավառի պետական համալսարանի սիրելի՛ ուսանողներ և պրոֆեսորադասախոսական անձնակազմի հարգելի՛ անդամներ, տեղեկացնում ենք, որ Եվրոպական միության «Էրազմուս+» ծրագրի շրջանակում Գավառի պետական համալսարանի և Հռոմի Սապիենզայի համալսարանի միջև կնքված պայմանագրի համաձայն՝ ԳՊՀ բակալավրիատի և մագիստրատուրայի ուսանողները հնարավորություն ունեն 2025-2026 ուսումնական տարվա 2-րդ կիսամյակում 5 ամիս ժամկետով ուսանելու, իսկ պրոֆեսորադասախոսական անձնակազմի անդամները՝ 1-2 շաբաթ դասավանդելու Սապիենզայի համալսարանում: Անգլերեն […]

Հարգելի՛ դիմորդներ, Գավառի պետական համալսարանը հայտարարում է  2025-2026 ուսումնական տարվա հեռակա ուսուցման ընդունելություն՝ բակալավրի կրթական ծրագրով: Ընդունելության դիմում-հայտը լրացնելու համար անհրաժեշտ է դիմել ԳՊՀ ընդունող հանձնաժողովին՝ անձնական համար ստանալու նպատակով։ Հայտագրումը կատարվում է Գնահատման և թեստավորման կենտրոնի /ԳԹԿ/ «dimord.am» կայքի միջոցով՝  մինչև ս․ թ․ սեպտեմբերի 25-ը, ժամը՝ 18:00-ն: Ընդունելության դիմում-հայտը ընդունելության ժամկետի ավարտից հետո փոփոխման ենթակա չէ: Դիմորդը […]

Գավառի պետական համալսարանում սեպտեմբերի 1-ին տեղի ունեցավ տոնական միջոցառում՝ նվիրված գիտելիքի և դպրության օրվան, նոր՝ 2025-2026 ուսումնական տարվա մեկնարկին։ Համալսարանը սիրով իր դռները բացեց ուսանողների 33-րդ սերնդի առջև, ովքեր հանդիսավորությամբ հնչեցրին ԳՊՀ ուսանողի երդումը։ ԳՊՀ ռեկտոր Ռուզաննա Հակոբյանը շնորհավորեց առաջին կուրսեցիների համալսարանամուտը՝ հիշեցնելով ուսուցչապետ Մեսրոպ Մաշտոցի հայերեն թարգմանած առաջին նախադասությունը՝ «Ճանաչել զիմաստութիւն եւ զխրատ, իմանալ […]

2025-2026 ուսումնական տարվան ընդառաջ՝ ս. թ. օգոստոսի 31-ին Գավառի պետական համալսարանը հյուրընկալեց առաջին կուրսի ուսանողներին և նրանց ծնողներին՝ կազմակերպելով տեղեկատվական հանդիպում։ Համալսարանի ռեկտոր Ռուզաննա Հակոբյանը ջերմորեն ողջունեց և շնորհավորեց առաջին կուրսեցիներին՝ մաղթելով արդյունավետ ուսումնառություն, աշխատասիրություն և նպատակասլացություն՝ ընդգծելով բարձրագույն մասնագիտական կրթության կարևորությունը։ Հանդիպման ընթացքում ԳՊՀ պրոռեկտոր Նելլի Կուտուզյանը, դեկաններ Թաթուլ Ասոյանն ու Մարտին Ավագյանը, ամբիոնի […]

Ջերմորեն շնորհավորում ենք ընդունելության քննությունները հաջողությամբ հանձնած և Գավառի պետական համալսարանի բակալավրիատ ընդունված բոլոր դիմորդներին՝ մաղթելով արդյունավետ ուսումնառություն։ 2025-2026 ուսումնական տարեշրջանին ընդառաջ ԳՊՀ առաջին կուրսեցիներին և նրանց ծնողներին սիրով հրավիրում ենք ռեկտորատի անդամների հետ հանդիպման, որը տեղի կունենա ս․ թ․ օգոստոսի 31-ին, ժամը՝ 12։00-ին, համալսարանի կենտրոնական մասնաշենքի Հրաչյա Աճառյանի անվան լսարանում /3-րդ հարկ, 316 լսարան/։ […]

Հարգելի՛ դիմորդներ, տեղեկացնում ենք, որ ԳՊՀ 2025-2026 ուսումնական տարվա մագիստրատուրայի ընդունելությունը շարունակվելու է մինչև  ս․ թ․ օգոստոսի 30-ը։ Ընդունելությունն իրականացվում է հետևյալ մասնագիտություններով՝ Կառավարում՝ կանաչ տնտեսություն և կայուն զարգացում Տարրական մանկավարժություն և մեթոդիկա Պատմություն Հայոց լեզու և գրականություն Ռուսաց լեզու և գրականություն Անգլերեն լեզու և գրականություն Հաշվապահական հաշվառում /ըստ ճյուղերի/ Ֆինանսներ, դրամաշրջանառություն և վարկ Տնտեսագիտություն […]