Եվրոպական միության «Էրազմուս+» միջազգային շարժունության ծրագրի շրջանակներում Գավառի պետական համալսարանի օտար լեզվի և գրականության ամբիոնի վարիչ, բանասիրական գիտությունների թեկնածու, դոցենտ Գայանե Միրիբյանը մասնակցել է Իսպանիայի Թագավորության Կորդոբայի համալսարանում կայացած «Միջազգային շաբաթ-2026» (International Week-2026) միջոցառմանը։
Միջազգային շաբաթը համագործակցային հարթակ է, որը նպատակ ունի հնարավորություն ընձեռել գործընկեր համալսարանների պրոֆեսորադասախոսական կազմի անդամներին՝ ծանոթանալու Կորդոբայի համալսարանի Կրթական գիտությունների և հոգեբանության ֆակուլտետի (FCEP) ծրագրերին, մասնակցելու դասախոսությունների, աշխատաժողովների, մշակութային միջոցառումներին, ինչպես նաև ամրապնդել ինստիտուցիոնալ գործընկերությունը՝ կրթության և հոգեբանության ոլորտներում գիտելիքի և լավագույն փորձի փոխանակման միջոցով։ Միջազգային շաբաթի շրջանակներում Գայանե Միրիբյանը ներկայացրեց Հայաստանի և Գավառի պատմամշակույթային արժեքները, Գավառի պետական համալսարանի միջազգային համագործակցության ծրագրերը, ինչպես նաև մասնակցեց որակի ապահովման, մշակութային երկխոսության և կրթության միջազգայնացման թեմաներով քննարկումներին ու մշակութային ծրագրերի։
ԵՄ «Էրազմուս+» շարժունության ծրագրերը ԳՊՀ դասախոսների համար կարևոր են ուսումնական գործընթացների ժամանակակից մոտեցումներին ծանոթանալու, լավագույն փորձն ուսումնասիրելու և միջբուհական գործընկերությունն ամրապնդելու համար։