Գավառի պետական համալսարանում մեկնարկեց բակալավրիատի և մագիստրատուրայի ավարտական կուրսերի ուսանողների ամփոփիչ ատեստավորման գործընթացը։ «Դեղագործական քիմիա», «Քարտեզագրություն և կադաստրային գործ» մասնագիտությունների հեռակա բաժնի ուսանողները, «Սերվիս» մասնագիտության բակալավրիատի առկա և հեռակա բաժինների ուսանողները հաջողությամբ պաշտպանեցին ավարտական աշխատանքները։
Նրանք ներկայացրին տեսական և գործնական հիմնախնդիրներ բովանդակող ավարտական աշխատանքներ՝ անդրադառնալով ոլորտային արդիական հարցերին և առաջարկելով որոշակի լուծումներ։ Ուսանողները ցուցաբերեցին մասնագիտական վերլուծության կարողություններ։
Հանձնաժողովի անդամները բարձր գնահատեցին շրջանավարտների պատրաստվածության մակարդակը՝ ընդգծելով աշխատանքների բովանդակային հագեցվածությունն ու տրամաբանական կառուցվածքը, թեմաների կարևորությունն ու ներկայացված առաջարկությունների հիմնավորվածությունը։
Ամփոփիչ ատեստավորման գործընթացը ԳՊՀ-ում շարունակվում է։
Հաջողություն ենք մաղթում 2025-2026 ուսումնական տարվա բոլոր շրջանավարտներին։